WASHINGTON DC —
Abalimi bezigabeni zeMatabeleland lezinye ezingatholi izulu elaneleyo sebekhuthazwe ukusebenzisa indlela entsha yokulima yokulondoloza amanzi ukuze bathole isivuno esingcono ngoba indlela zokulima ezijwayelekileyo zingasalethi nzuzo.
Ekhuluma ensimini kaMnumzana Albert Maphosa owe Nswazi eMzingwane, ongomunye wabalimi abalutshwana asebesebenzisa lindlela yokulima, umlimisi wakulindawo, uMnumzana Hebron Ncube, uthi bafundise abalimi abalutshwane kulumango ngendlela le entsha yokulima ukuthi izakhamizi zibone umahluko obakhona nxa kulondolozwa amanzi.
Uthi izilimo zitshile akulasivuno kulumango ngaphandle kwalapho okwasetshenziswa indlela le yokulima egcina amanzi emhlabathini okwesikhathi lanxa izulu lingaphuza ukuna.
Umnumzana Maphosa uthi uyakhuthaza abalimi ukuthi basebenzise lindlela yokulima kulokuthi bebebephuma ijumo likamabuyaze minyaka yonke.
Uthi lindlela yokulima ilomsebenzi omnengi kodwa iyanceda ukuze abantu bengabulawa yindlala.
UNcube uthi baphatheke emsebenzini wokufundisa abalimi lindlela entsha yokulima bekhangelele ukuthi kube yiyo ecina isetshenziswa endaweni zonke ezisilela izulu ukuze kuqedwe udubo lwendlala.
Kusenjalo, uMnu. Lameck Mkhwebu umlimi osebenzise lindlela entsha eye Conservation Farming lonyaka eGandangula eLupane, esabelweni se Matabeleland North, uthi uzayitshaya inala loba imihogoyi ithanyele emasimini ngoZibandlela.
UMkhwebu uthi ukhangelele ukuthi uzathola amasaka angamatshumi amabili ayisilinganiso samakilograms phose alikhulu – 90 kilograms.
Uthi kajayelanga ukuthola isivuno esingaka nxa esebenzisa ehaza umquba lenhlanyelo.
Uthi uhlangothi lukahulumende lwe agricultural extension ngoMgqibelo lumnike isithupha sokulima kanye lekhuba, inhlanyelo le wheel barrow ngokulima okubukekayo akwenze lonyaka.
UMkhwebu uthi isivuno asitholileyo lonyaka sizanceda abantu abalambayo eLupane.
Ekhuluma ensimini kaMnumzana Albert Maphosa owe Nswazi eMzingwane, ongomunye wabalimi abalutshwana asebesebenzisa lindlela yokulima, umlimisi wakulindawo, uMnumzana Hebron Ncube, uthi bafundise abalimi abalutshwane kulumango ngendlela le entsha yokulima ukuthi izakhamizi zibone umahluko obakhona nxa kulondolozwa amanzi.
Uthi izilimo zitshile akulasivuno kulumango ngaphandle kwalapho okwasetshenziswa indlela le yokulima egcina amanzi emhlabathini okwesikhathi lanxa izulu lingaphuza ukuna.
Umnumzana Maphosa uthi uyakhuthaza abalimi ukuthi basebenzise lindlela yokulima kulokuthi bebebephuma ijumo likamabuyaze minyaka yonke.
Uthi lindlela yokulima ilomsebenzi omnengi kodwa iyanceda ukuze abantu bengabulawa yindlala.
UNcube uthi baphatheke emsebenzini wokufundisa abalimi lindlela entsha yokulima bekhangelele ukuthi kube yiyo ecina isetshenziswa endaweni zonke ezisilela izulu ukuze kuqedwe udubo lwendlala.
Your browser doesn’t support HTML5
Udaba Esilethulelwe NguNothando Sibanda
Kusenjalo, uMnu. Lameck Mkhwebu umlimi osebenzise lindlela entsha eye Conservation Farming lonyaka eGandangula eLupane, esabelweni se Matabeleland North, uthi uzayitshaya inala loba imihogoyi ithanyele emasimini ngoZibandlela.
UMkhwebu uthi ukhangelele ukuthi uzathola amasaka angamatshumi amabili ayisilinganiso samakilograms phose alikhulu – 90 kilograms.
Uthi kajayelanga ukuthola isivuno esingaka nxa esebenzisa ehaza umquba lenhlanyelo.
Uthi uhlangothi lukahulumende lwe agricultural extension ngoMgqibelo lumnike isithupha sokulima kanye lekhuba, inhlanyelo le wheel barrow ngokulima okubukekayo akwenze lonyaka.
UMkhwebu uthi isivuno asitholileyo lonyaka sizanceda abantu abalambayo eLupane.
Your browser doesn’t support HTML5
Ingxoxo Esiyenze Lomnu. Lameck Mkhwebu