Inengi lezizalwane zeZimbabwe ezihlaliswe okwesikhatshana enkambeni ese De Doorns e Capetown kwele South Africa kulandela udlakela lwenkethabetshabi oluqhamuke kulindawo ngenyanga edluleyo lokhu zihlezi kabuhlungu, ziswela ukudla okweneleyo kanye lokwelatshwa.
UMnu. Braam Hanekom, umgcinisihlalo wenhlanganiso elwela ilungelo loluntu, eye PASSOP, wethule umbiko othi iziphathamandla zikahulumende we South Africa zenqabela abantu laba ukudinga usizo enhlanganisweni yakhe kanye lezinye ezizimeleyo, zisithi inengi labo liyasebenza.
UHanekom uthi kulesibhedlela se mobile clinic esifika kanye ngeviki kulindawo, njalo abagulayo, abantwana kanye lasebegugile bathwele amagabha avuzayo kulinkamba.
Kusenjalo, uSithandekile Mhlanga we Studio 7 uxoxe lo Mnu. Zenzo Nkomo, ingcwethi ecubungula ezombusazwe yena othi uhulumende kayi kunceda abantu abakulinkamba ngokupheleleyo ngoba bengaso ziphepheli zombusazwe.