Inhlanganiso ebona ngenguqu, iZimbabwe Football Association, iZIFA, ithi malungiselelo emidlalo yenguqu eyamaqembu wonke amela ilizwe aqhubeka ngemfanelo kungeladubo lokusilela kwemali.
Isikhulumeli senhlanganiso le, uXolani Gwesela utshele iStudio Seven ukuthi udubo lwemali okwakathesi baluzwela emaphephandabeni kuphela.
Iqembu lesizwe ama Warriors liphakathi kwamalungiselelo emidlalo ye Africa Nations Cup ekupheleni kwalinyanga kwele Rwanda.
UGwesela uthi abadlali bonke abadlala besekhaya bakhona njalo bakhangelelwe ukuyadlala eRwanda.
"Sibafisela inhlanhla abafana bethu ukuthi babuye le Cup khonale eRwanda. Amankazana ethu azadlala eRio kwele Brazil emdlalweni yama Olympics," kutsho uGwesela.
Your browser doesn’t support HTML5
Ingxoxo loXolani Gwesela