Inhlanganiso yeZESN ithi ikomishini yezokhetho iZimbabwe Electoral Commission kumele idingisise ngokwethuselwa kwabantu okubekhona kumaby-election enziwe eMbire, eMarondera Central leEpworth ngoMgqibelo.
Ibandla leZanu PF yilo elinqobileyo kulolukhetho. Belincintisana labamandla amancane agoqela iZapu, iNCA leTransform Zimbabwe. IMDC kayingenanga kulolukhetho.
IZESN ithi lanxa luhambe kuhle lolukhetho, ikhathazekile kakhulu ngembiko eyamukeleyo kwezinye izigaba phezu kokwethuselwa kwabantu.
"Ikomishini ebona ngezokhetho siyikhuthaza ukuthi idingisise ngokwethuselwa kwabantu esikuzwileyo ikakhulu eMarondera Central," kutsho isiphathamandla seZESN uNkosikazi Ellen Dingani.
Uphe umzekeliso wokudatshulwa kwamabhakane ebandla leNCA kwezinye izigaba. Kodwa kacacanga ukuthi ngabaliphi ibandla ekade besenza lokhu.
Isiphathamandla seNCA uMnu Alois Dzvairo uthe lanxa benqotshiwe kabuhlungu kulolu khetho, akubakhathazi kakhulu ngoba besalibandla elicathulayo elisadinga usekelo.
Your browser doesn’t support HTML5
Ingxoxo loMnu Alois Dzvairo