Inhlanganiso yeZimbabwe Election Support Network (ZESN) ithi kunengi okusamele kulungiswe kundaba zokhetho okugoqela ukususwa kwamapholisa phakathi kwama-polling stations ukuze uzulu avote ekhululekile.
Embikweni ewethule namuhla ngemva kokubona ngokuqhutshwa kweby-election yeMudzi West ngeviki edluleyo, inhlanganiso le ithe ukuba khona kwamapholisa lokhu kwethusa abanye abantu becine bevota besesaba.
Ithi njalo inanzelele ukuthi abantu ekade bedinga ukuncediswa ukuvota eMudzi bebebanengi kakhulu.
Ngalokho, iZESN ithi iZimbabwe Electoral Commission kumele ivumele inhlanganiso ezizimeleyo ukuthi zifundise uzulu ngendaba zokuvota.
Sixhume isiphathamandla seZESN uMnu Ndodana Ndlovu wasichasisela okunengi.
Your browser doesn’t support HTML5
Ingxoxo loMnu Ndodana Ndlovu