Zanu PF: Sizanqoba Kukhetho Lwama Byelections Oluzayo

WASHINGTON — 

Ibandla leZanu PF lithi lizanqoba kukhetho lwama byelections oluzaqhutshwa ngoNhlolanja. Lithi isiqalile imikhankaso yokhetho lolu ezigabeni ezitshiyeneyo eZimbabwe.

Ukhetho lolu lowenziwa kulandela ukuxotshiswa kwamalunga edale lephalamende lamakhansila nguMnu. Sengezo Tshabangu othi ungunobhala jikelelele webandla leCitizens Coalition for Change.

UMnu. Believe Gaule webandlal leZanu PF uthi bafisa ukuzithatha zonke izigaba zedale lephalamende lezamakhansili.

SEE ALSO:

Ingxoxo Esiyenze LoMnu. Khaliphani Pugeni

UMnu. Khaliphani Pugeni osekela okwenziwa nguTshabangu uthi benza okufiswa nguzulu.

SEE ALSO:

Ingxoxo Esiyenze loMnu. Believe Gaule

Idale leHigh Court ngoMpalakazi lavimba abanye ababekubandla leCCC abaxotshiswa nguTshabangu ukuba bengangeni kukhetho lwama by-elections.

Ibandla leZanu PF lanqoba kukhetho lwama byelections olwaqhutshwa mhlaka 9 Mpalakazi.

Abakucele leCCC elikhokhelwa nguMnu. Nelson Chamisa bathi uTshabangu usekelwa libandla eliphikisaho.

Uyakuphia lokhu uTshabangu othi uzaxotshisa abanye njalo abakudale lephalamende lamakhansila angasebenzi lozulu.