Kuhlelo Woza Friday liviki uEzra Tshisa Sibanda owe Studio 7 uxoxa loNdumiso Moyo omele iqembu elizibiza ngokuthi yiZimSplash lona elicula ingoma zomdumo weDisco lisebenza likoBulawayo.
"Igama lami ngingu Ndumiso Moyo elokuzalwa. Kwezomculongibizwa kuthwa ngu ND Nduna. 2011 ngazokhiphi album eyayihlabusa sibili eyathandwa ngabantu bonke, kusiya ku 2012 ababeyibiza bethi yi Spice sebhoso."
UNduna ukhule ecula ingoma zembube kodwa ukutshaywa kwengoma zeDisco emsakazweni kwamenza waguqul’unyawo
"Okwayenza ngathandumculo wedisco yikuthi ngakhangela ngabonukuthi okheyi ekuthuleni kwami njengomuntu owakhula ethanda umculo wabo Peta Teanet labo Pamela Nkutha. Ngasenginanzelela ukuthi laphekhaya kuyashota umculo wedisco. 2009 yikho lapha engahlangana khona loDon B waseBotswana. Ye lapha engababona khona betshaya ngama keyboard ah lami ngakuthakazelela lokhuya, ngaqalisa ukusebenzisana labo oDan B. Kwasekusithi 2010 ngaqalisa ukukhipha ialbum yakuqala eyayibizwa kuthwa ngu Happy."
Abalandeli bomculo kaDan Tshanda bake basola leliqembu bethi umculo wabo ufana loweSplash njalo uyabadida wothi sizwe okaMoyo echasisa ngalokhu.
"So nga kwayenza kwaze kwathi yena uDan Tshanda ngokwakhe sahlangana sakhulumisana wathi hayi ngcono uzibize ngokuthi ND Zimsplash. Uzibize ngokunjalo ngoba abantu babelokhuza amasidi akho khathesi njoba kuphayirethwa khathesi kungasela mashopu alokhuzayo. Bayabe bephayiretha Splash splash so ukuze bebekwazi nxausiyatshaya layivi kuzabanzima ukuthi bebekwazi. Ngaqalisa ke ukuzibiza Zimsplash."
Isikhathi sesidliwe ngumangoye bakwethu, yekela uNduna aphosele izwi lokucina.
"Sikhala kakhulu kini abalandeli beZimsplash sithi lisincedise kakhulu ngoba silesifiso sokuba senze ivideo. Ukwenzi ividiyo lapha kulezinsuku kunzima, plus silohlupho esihlangana lalo khathesi, asisela lashopu asincedisayo asithengisela amaCD. AmaCD sesihamba thina sizithengisela, ongabelifuni iCD uyasthinta kunamba ezithi 07780 23276, yizo inamba esitholakala kizo."
Ziyajayivisa, ziyahlabusa, zimnandi nguye uNdumiso Moyo, uNduna ngokwakhe ebesixoxa laye emele iqembu lakhe leZimSplash kuhlelo Woza Friday.
Your browser doesn’t support HTML5
Woza Friday: Umculi uNdumiso Moyo exoxa loEzra Tshisa Sibanda emele iqembu leZimsplash