KuWoza Friday liviki uBenedict Nhlapho ulethulela umfanekiso we DVD entsha yomculo kamaskandi evela kuZinjaziyamluma leqembu lakhe eleZemagic.
UZinjaziyamluma uthi iDVD yakhele elesihloko esithi The Best of Zinjaziyamluma icindezelwe ngobuciko obukhulu. Uzelwe enguMxolisi Mavundla kodwa manje usethi nxa eseziveza kucace ukuthi usengumculi ovuthwe busu.
Lumculi useyethule iDVD elitsha elilengoma ezilitshumi lane. Uthi zonke ingoma ezikule iDVD ngezihlabusayo ezikhethwe kumadlalade akhe amabili u Traffic lo Zemagic.
Lezi ingoma zigoqela u Amandebele, Ngisize Nkosi, Highlanders lezinye. Uzinja uthi zonke ziphekwe ngobuciko obuphezulu kanti lemifanekiso yazo ihambelana xathu lalokhu okukhulunywayo. Uthi lokhu akutshoyo kufakazwa layindlela abamba ngayo iziginci, kanti lendlela ifakaza njalo indlela abasina ngayo kule iDVD. Linsizwake ithi iphupho layo ngelokuthi ibe ngomunye wabahlonitshwa kwezomculo.
UZinjake ukhuthaza amasela omculo aseqalile ukucindezela iDVD lakhe emakhukhwini ukuthi bawuyekele lowo mkhuba. Ukhuthaza abalesifiso sokubona abaculi bethuthuka ukuthi bathintane laye kufacebook egameni elithi Zinjaziyamluma bazitholele iDVD langempela hatshi leli elicindezelwe ngudlu.
Your browser doesn’t support HTML5
Woza Friday Umculi uZinjaziyamluma