Kuhlelo Woza Friday kuliviki silomculi wengoma zokholo, uVusa Mangena, odume ngokuthi nguVee Music ocula ekoBulawayo.
UVusa Mangena ulephimbo elihlabusayo elikhwabithwa ngabantu abanengi. Udume kakhulu ecula emabandleni ezokholo.
"NguVee … Iqembu lami futhi lithi lona Vee Music and uVee angizikhethelanga libizo engaliphiwa ngamafans ami. Babengibiza ngalo nxa behlangana lami or ngiperformer live on stage. Bengihlabela kakhulu enkonzweni ngathand'ukuhlabelela abantu bathand'umculo wami ngaqala ukuhlabela emitshadweni lakumanye ama events engangibizwa khona. Into eyayenza ngakhetha umculo weGospel yindlu vele engizalelwe kiyo indlu yama Khristu. Kwangezelela ngokuthi-ke mina vele ngingumKhristu ozelwe kutsha."
Vusa Mangena (Courtesy Image)
Abaculi abanengi bako Ntuthuziyathunqa balesiphiwo esikhulu kwezomculo. UVee ngomunye wabo osacathulayo kodwa ucula ezingeni eliphezulu.
"Well, iVee Music ngiqale ngo2018 ukungena kwezomculo wegospel. Ngaqala ke ukurecorder isingili yami okwakuthiwa ‘Nkosi bambosandla sami’ engayibhala-ke ngemva kokudlula ezimweni ezinzima ezangenza ngangena emadolweni ngihlala ngikhala ngisithi Nkosi bambisandla sami. So, yiyo eyaba yisingle yami yokuqala ngo2018."
Ukubone kufanele uVee ukuthi acule ingoma ngalumkhuhlane weCOVID-19 osuqede abantu njalo uledlalade lakhe alikhuphayo elimnandi okwamagama.
"Ngile album eyione ethi Nkosi bambisandla sami engayi releaser ngo 2018 elezingoma ezingu 8 lama single amathathu, Indlela featuring Qeqeshiwe Mtambo loSabela engimenze ngo2020 loSilwele futhi engimenze ngo2020 ngoOctober eyingoma-ke eye Corona yiyo eyaba yilast project yami."
UVee uyatholakala enkundleni zokuxhumana lokuzilibazisa, ezebulenjini ezinjengabo Facebook, Twitter, Instagram lezinye ngegama lakhe uVusa Mangena.
"Ngiyabonga kakhulu ukusisapota lokuphakamisa-ke thina ama artist esisaqalayo kungayisini vele akula lapha esingayakhona. Sicela abalaleli bethenge imusic yethu kuma online stores, bekwazi ukuthenga amaCDs ethu nxa bekwanisa ukufinyelela amaphysical CDs ethu or DVDs. Besixhase kakhulu siyaludinga usizo lwabo ukwenzela ukuthi sikwanise ukubuyela estudio siphekeke umculo olobuciko baphezulu kodwa-ke kakhulu kakhulu ngiyabonga isupport yenu balaleli."
Your browser doesn’t support HTML5
Woza Friday: Sixoxa loVusa Mangena