KuWoza Friday liviki intathelizindaba yeStudio Seven uBenedict Nhlapho usethulela umculi weRhumba uProgress Bhango Dube leqembu lakhe leKumbudzi Sounds. Lumculi usethule idlalade elitsha elithi "Impilo Yami"
Kweinye ingoma yakhe uProgress uthi "Kambe ungaze ungilahle mkami ungilahlela ubuyanga, manje izinto zingasala sezingilungela uzathini?".
UProgress uzelwe koBulawayo wayakhulela koMasendu ePlumtree, wasesiya eTsholotsho wazocina eseseGoli. Uthike ezokucula zaqala esasengumfanyana, beculela abantu emithonjeni, ezikhotsho, emifuleni lasezinkonzweni.
Ngemva kokucula lamaqembu amanengi ngo 2013 ubumbe elakhe iqembu leKumbudzi Sounds okuyilo eselethule leli dlalade elithi "Impilo yami".
UProgress uthi iphupho lakhe elisemqoka yikuba ngumculi ozimeleyo olento zakhe, ukuze aqhube umsebenzi wakhe engaceli muntu.
Idlalade lakhe leli lilengoma eziyikhombisa kanti zonke uthi ziyakha, zifundise zibuye zixwayise. Limfundiso iphuma obala kungoma yakhe yesithupha ethi "Udubo lwemizi", lapho akhuthaza khona abathetheneyo ukuthi benqabele ukwehlukana njengoba lokhu kusenza abantwana besale behlupheka okwamagama.
Uthike akakhohlwa ukuthi yonke impumelelo angaba layo njengomculi yeyeme kubalandeli bakhe.
Kule ingoma yakhe ethi "Mapitipiti", ukhuluma ngamagovu empilo athi umuntu liqala ulutho lonke, luthi nxa seluphumelela usekubulala esefuna lube ngolwakhe yedwa.
Your browser doesn’t support HTML5
Woza Friday: Umculi uProgress Bhango Dube womdumo weRhumba