Kuhlandla lethu le Woza Friday liviki, uBenedict Nhlapho uliqhunsela ingoma zokubonga eziphuma kudlalade elitsha lika Phumulani Fuyana eleqembu lakhe le Eberneza Saved Group elilesihloko esithi Eberneza.
Umculi odabuka eZimbabwe lo, kungoma elesihloko sedlalade leli uthi Haleluya, sibonga uMvelingqangi ngoba usiqhubile kwaze kwaba la.
UPhumulani uthi loba zibe nengi izangihluphe lezangikhathaze, ngokungenanje ku2016 ithi ngiyabonga Nkosi.
Ngiye ngananzelela ukuthi isikhathi nesikhathi siyaba phakathi kwezinkinga ma siphakathi kwezinking besesikhohlwa ukuthi uNkulunkulu ngaleso sikhathi ubakhona, usuke ehamba nathi ngasebona nami ukuthi uhamba nami. Uba kungesuye ube angikho la engikhona.
Phakathi kwazo zonke zolitshumi ezikuleli dlalade kugcwele ezokubonga kugoqela uEberneza, Siyabonga, Jabulani, Hlabelela, uThando lwakhe lezinye. Kukhona leyezibongo zabatshadileyo.
Linsizwa eqale ukucula koBulawayo ngo 2011, ithi ukuba khona kwakho ku2016 abanye besele ku2015 kutsho khona ukuthi isandla senkosi besilawe.
Ziningi izinto ebezingenzeka empilweni yami kodwake ngiye ngananzeleli ukuthi konke bekwenzeka okuhle nokubi ngibona isandla sakhe ngase ngihlala phansi ngatsho ukuthi mpela uhamba nami. Sometimes ezinye ziyabuyenje ngihleli, ngibhale phansi, ezinye ma ngilele ngiphuphenje ngilicula iculo lakhona.
Yikhonje kule eyesikhombisa ethi Hlabeleleni iculo lokudumisa uJehova. Lumculi othathekiswe ngabaculi abafana labo Sipho Makhabane, oShongwe leNcandweni uthi ikusasa lakhe liqhakazile.
Ngibona kubright, yes, ngibonake kusiba bright and brighter. Labanye futhi abangitshelayo bathi ndoda kukhona la oyakhona, yes, kuyangikhuthaza, kungenza lami ngitsho ngithi yah! I want to be there.
Laba abaculike bathi ke ngena ku 2016 lawe uphethe leli elokuzibongela usithi Eberneza, inkosi isiqhubile kwaze kwaba la.
Your browser doesn’t support HTML5
Woza Friday: Umculi uPhumulani Fuyana leqembu lakhe le Eberneza Saved Group