KuWoza Friday liviki uBenedict Nhlapho uxoxa lomculi wezokholo uTholakele Ndlovu ocula enguTholakele, mayelana ledlalade lakhe elitsha elithi UJehova Nkosi Yami.
Loba umbiza ngoThoe, kumbe uQueen of Gospel, loba uTholakele, okucacayo yikuthi le yintokazi edumileyo kakhulu emculweni wezokholo.
Uthi isifiso sakhe sokuba ngumculi ohloniphekayo yiso esenza wazimele yedwa esecula enguTholakele ngo2007, kantike uthi lelo liphupho eselifezekile.
Kudlalade lakhe lakuqala wayethe "Umkhuleko Wami Kubaba", walandela ngelithi Ngivulele Nkosi, kanti khathesi usesithi UJehova Nkosi Yami.
Laphake uthi ubonga uMvelingqangi ngakho konke asemenzele khona ikakhulu ukuxotsha usatane obemvalele amathuba.
Ezinye ezikuleli idlalade zigoqela uNkosi yami, Ngiguqile Phambi kwakho, Jesu lidwala, UJehova uyangizwa lezinye.
Lelidlalade liphelekezelwa yiDVD ethethe lokhu kudla kwendlebe yakupha amehlo. UTholakele uthi kusetshenziwe akudlalwanga.
Zikhonake kuleli dlalade ezezinyembezi nxa sekunzima uTholakele ethi umuthi wokuphumelela nxa ungumculi yikwabelana labanye.
Uphume enkundleni ngengoma yakhe ethi "Kungaba nzima empilweni nqandinyembezi ubheke kuMvelingqangi uzakusiza".