KuWoza Friday liviki silomculi weRhumba UThemba Mathe ochazwa ngabanengi njengomculi okhokhelayo kweze Rhumba okwalesi isikhathi. UThemba leqembu lakhe leThemba Boyoyo & Mthimbani Sound Blasters sebethule indlikizane yedlalade elithi Nansi Indoda. UBenedict Nhlapho uxoxe lale insizwa yona ethi ifuna ukuwusa emazweni umculo wayo lo.
UThemba Mathe yinsizwa ezelwe eNyamayendlovu, yayakhulela eNatisa eMatojeni. Ivele yakhula icula esikolo. Kuthe ekukhuleni yaba yintshantshu kwezokugida okwenza yabayingxenye yamaqembu abalisa elika Ndux Malax, Madala Boy & the Shining Fellows lele Mokis Connection.
Ngo 2011 wacabanga ukuzimela yedwa wethula idlalade lokuqala elithi Samarongo , kweza elithi Akusontwencane ngo 2012. Ngo 2013 wagula wabangwa lezibi abanye baze bakhala zoma sekuthiwa usefile.
Lonyakake usevumbuluke ngedlalade elitshisa phansi laphezulu elithi Nansindoda.
UThemba uthi ingoma ezikuleli dlalade zikhuluma ngezangihluphe lezangikhathaze ezithwalise abantu amagabha avuzayo empilweni.
Kwezakhe ingoma uthi usebenzisa ubuphoxo okuyinto athi ithandwa ngabalandeli okwamagama.
Kunengike akukhulumayo uThemba kuleli dlalade lengoma eziyisithupha, kugoqela ukuxwayisa abasakhulayo ngokufunda becabanga egoli.
Linsizwa yaseNathisa ayithokozisi kuphela engomeni lezi kodwa ikhona lemfundiso ejulileyo.
UThemba uthi uphakathi kokuhlela ukuthi athathe umculo wakhelo ayethokozisa abalandeli bakhe abasemazweni.
Ezikuleli dlalade zigoqela ethi Sekubangenile, kuze uNansindoda, uthando Lwamanje, Imfundo, balandeli, besekusiba loGconiwe. Lumculi uthi uzakhithiza elinye idlalade kungapholanga maseko.
UThemba ukhuthaze abalendeli bakhe ukuthi basekele abaculi ngokuthenga umculo owenziwe ngokusemthethweni hatshi lo otshontshiweyo wasusenziwa ngasese.
Uphume enkundleni ngale ethi loba basebethi usefile kodwa usevukile kantike uzenza izimanga bamangale labo ababethi usefile.
Your browser doesn’t support HTML5
Woza Friday: Umculi uThemba Mathe