Kuhlelo Woza Friday liviki uEzra Tshisa Sibanda oweStudio 7 uxoxa lentombazana esakhulayo uValarie Sibanda owazakala ngegama lokuthi ngu Valee Music. Yena ke ucula umdumo we House le Soul Music, ecula ekweleBhilithane.
Ngumculi osengene kwazwakala kweleNgilandi ngesizatho sokuthi abantu abanengi bayawukhwabitha umculo wakhe uMadawu.
"Ibizo lami ngingu Valerie Menyiwe Sibanda. Ngazalelwa koBulawayo lapho engafunda khona eGreenfield ese Bellevue, ngasengisiya eHigh School ePetra. Ngiqeda khonapho ngaya eUK, ngabuya eUK ngaqhubeka ngezifundo zami ngaqedisa iGSCE, ngenza le Uni lapho engifunde khona iLaw leBusiness Studies"
UValerie selamadlalade athize awakhiphileyo njalo umculo wakhe ulomlayezo.
"Igama engilisebenzisayo ma ngicula ngu Valee Music. Sengikhiphe ingoma ezinengi ezitshiyeneyo ngibala what you need, uVosho, uMina Nawe nale entsha uDollar. UDollar ngiyithandelukuthi yingoma, in a way you know it empowers abafazi, it just makes you feel good and it makes you know ukuthi lawe you can be independent and make your own money and be successful"
Kukhanya ezokucula usukele lazo khatshana esesemncane uMaDawu.
“Ezomculo ngaziqalisa ngisengumntwana, sasihlabela sikhonza ngekhaya lasenkonzweni. Vele ngiyathanda ukuba kustage ngaze ngayenza le modelling ngenza okungama pageants atshiyeneyo. Ngo2008 ngaba ngu Miss London Earth Winner so ngiyakholisa nje ukwenza izinto eziphakemeyo ezikustage that people can feel. Abantu bayawujabulela umculo wami, ngabona ngeZimfest which had about 5000 people abantu bakholisa, bakholisa kakhulu and l did a lot of meet and greet, it was lovely."
Ecula mnandi kangaka kuyabonakala kukhona abamthunukayo ukuthi laye ezwe efuna ukuba ngumculi.
"Ukuthi ngicine lami ngisiba ngumculi ngakhangwa ngokubona abanye abadumayo ngibala o Whitney Huston, ngizembhale leGoli oLucky Dube, Boom Shaka, oBusi Mhlongo, bonke in a way inspired me to know ukuthi nami l can real do this. Umdumo engiwenzayo yebo ngiyatshaya iHouse, ngiphinde ngicule le Soul le Afro beats because lm very versatile. EUK igoal yami yikuthi ngitshengise abantu ulimi lwami ukuthi bebekwazi ukuthi kule language okuthiwa yisiNdebele ekhaya."
Ungakahambi tshiyela abalaleli elokucina ngomculo wakho ukuthi utholakala ngaphi njalo ngayiphi indlela.
"Ingoma zami lingazithola on all digital platforms ngikhuluma ngo Youtube, oSpotify, oApple Music, oDizza labo, just find me ibizo lami ngingu Valee Music. Lingangithola njalo kubo Social Media ngikuFace Book, liyangithola as Valee Music Offisial kumbe njalo lingithole kuTwitter naku Instagram. KuInstagram ngingu Valee_Music, ngiyabonga kakhulu"
Kuhle ukubona abasakhulayo beZimbabwe asebathuthela emazweni becula ngolimi labo njalo bephakamisa losiko labo, NguValarie Sibanda lowo, owaziwa ngegama lokuthi Valee Music ebesilaye kuhlelo Woza Friday.
Mpelasonto enhle kini lonke.
Your browser doesn’t support HTML5
Kuhlelo Woza Friday Silomculi Osathuthukayo uValarie Sibanda