KuWoza Friday liviki silabafana beTsholotsho Great Sounds bona asebethule idlalade labo lesibili elilesihloko esithi “Isodoma neGomora.”
Leliqembu lingene enkundleni yezomculo nyakenye ngendlalade lalo lakuqala lisithi “Impilo yiNkinga.”
Ubuciko obukudlalade labo lakuqala abuthandabuzwa njalo busobala kudlalade elitsha, lona eliqukethe ingoma eziyisikhombisa ezigoqela yona umninisihloko dlalade kanye lethi “Izitha.”
Yiziphi ke izitha abafana beTsholotsho abakhuluma ngazo lapha?
"Besikhuluma ngezinto ezehlela abantu empilweni, mhlawumbe uthole ukuthi umuntu uyasebenza kodwa kumnyama yonke into," kuchasise umkhokheli weqembu uBulisani Maphosa.
Ikatali bayiqumbaqumba kamnanjana okokuthi lesigxamu laso singatholakala sidiyazela sengathi siyazi esikwenzayo.
Ezinye ingoma ngezithi “Ukuzala”, “Banikeze Amandla”, “Africa Unite” kanye lo “Isifo Socansi.”
Your browser doesn’t support HTML5
Udaba lusethulwa nguNtungamili Nkomo