Kuhlelo Woza Friday kuliviki silomculi uMzobanzi Mlauzi, odume kakhulu ngegama lokuthi nguMzoe 7. Yenake ucula umdumo oweAfro Beats kanye leHouse Music ekoBulawayo.
Wangena kwezomculo ngo2014 lapho ahlupha khona ngengoma yakhe uKwasa Kwasa. Kadlali uyasebenza ecula esiya phambili.
"Elami elokuzalwa nguMzobanzi Paul Mlauzi, ngizalwa eNtumbane koBulawayo njalo ngikhulele khona eNtumbane. Ngafunda eNtabeni Primary School ngasengisiya eFatima High School. Ya! Yikho okuqale khona ezomculo ngoba eskolo ngangikuSchool Choir, ngaba kuschool drama, eSecondary lakho ngenza itheater."
Umculi odabuka koBulawayo uMzobanzi Mlauzi. (Courtesy Photo)
UMzoe 7 wathanda ukucula esemncane. Pho igama leli lavela ngaphi?
"Ngakithi singu 7, so ngaba ngowesi 7 ngasengisithi njengoba bengibiza Mzobanzi mina-ke ngizozibiza Mzo 7. Ehe! 7 yinumber yokuphelela eBhayibhilini bathi it's the number of perfection. Abantu abangikhanga kwezomculo ngubaba uMajaivana, the late of Fela Kuti, lecommunity ngingananzelela ingoma zami ngezokubahappy ngezenjabulo ezokujabulisa abantu."
UMzoe 7 unqobe wathola isicoco seAward yeBest Dance and House Artist of the year, emncintisweni wezokukucula walonyaka oweZimbabwe Music Awards 2021. Yena-ke ucula umculo etshiyeneyo yikho nje ezibiza Flabour Fuser.
UMzobanzi Mlauzi
"Kahle kahle ngiyahlanganisa ezomculo ekuthini ngiyadobha kuKwaito, ngidobhe kuHip Hop ngidobhe ku-traditional music, Afrobeat ngiyahlanganise ke, ngidobhe kumapiano so-ke ngingatsho ukuthi mina ngenza iHouse Music angikabi le-album ngikhipha ama-single every year ama-single. Kodwa lonyaka ngisebenza idlalade okuthiwa nguUnited Country of Africa."
Ubengumculi ohlezi esenza imdlalo eculela abalandeli endaweni ezitshiyeneyo eZimbabwe kodwa kulezinsuku umile ngenxa yeziqondiso zokuvikela umkhuhlane weCOVID-19. Lizwi bani kubalaleli Mzoe 7?
"COVID is real, ikhona let’s mask up sigqoke ama-mask sigeze izandla sipractise isocial distancing. Ngibonge futhi njalo ngokusixhasa kwezomculo, Facebook nguMzoseven, Twitter Mzoseven, Instagram Mzo_seven laku Tik tok njalo laku YouTube njalo, sibonge mahlabezulu."