KuWoza Friday liviki silomculi wengoma zomdumo wokholo, uMfundisi Sonny Ncube ohlala edolobheni leBirmingham kweleNgilandi.
Asomculi wengoma zokholo kuphela uPastor Sonny, uyaloba lokuqondisa ezimidlalo kamabonakude lemfanekiso yebhayiskopo Film & TV producer ku kampani yakhe ezimele yodwa. Yena ke Udabuka khonale eMberengwa lapho azalewa khona okaNcube.
"Ngisebenzisa njalo uMoyo ngoba ubaba wami ongizalayo nguMoyo but l was adopted in the Ncube family. Ngikhulele Mberengwa, ngahamba eChingezi Primary School, ngasengihamba eZwemagwe Secondary School and l finished my O levels and then went to Kwekwe, in Kwekwe that's when l started learning about Keyboard playing & so forth. Ngangisizwa ana Zion ehlabela ingoma zabo leziyana just like oLundi oRebecca, that's what was sung in Mberengwa and that's what got me started in music."
Umculo wakhe uyazi phekela eStudio sakhe uPastor Sonny njalo ukhulele endlini yabantu abaculayo.
"Umama wami lomamomdala oweMberengwa logowami esemncane laye hlabelela. Umamomdala wami oweMberengwa lomama wami bake bahlabela loFreedom Sengwayo ngoba babehlabela ku Gospel team in Apostolic Faith Mission. I was surrounded nge gospel music so it's part of me igospel music, Yikho nje ngithanda ukuhlabelela igospel music and ngiyabona lakho ukuthi abantu bayazithanda izingoma zethu ezeGospel"
Yena ke mfundisi uNcube uyingcitshi ekuphekeni umculo njalo sowaphekela abaculi abanengi ingoma zokholo.
"Ngiyasebenza labahlabeleli abanengi, ngiyabhala izingoma, ngiyayenza music yabo ama instruments ngikuhlanganise konke nje kuStudio, like oMahadi Selephe, Nkosi Ka Ndlovu, Mthulisi Makholisa Dube, osisi Maria, oMason Nkiwane, Walter Chawanda, Kingdom Praise, Higher Ground, Mrs Zengeya, that's what we are doing at the moment in our studio here."
Isikhathi sesidliwe ngumangoye Mfundisi, phosela ilizwi kubalaleli
"Ye kubalaleli bethu ngithanda ukuthi thank you very much for your support, ngithi mina qhubekani nje lisi supporter ngoku downloader imusic yethu ngokulalela ngoba kuyancedisa lathi ukuthi siqhubeke ngomsebenzi woku producer imusic igospel music so thank you very much. Imusic yethu izabitholakala kubo Google play, kubo YouTube, kubo Facebook, sizabe siphosa nje imusic everywhere. So lingaqhubeka nje lidownloade lisithole lathi khonaphana, lingadinga uPastor Sonny Ncube."
Umfoka Moyo ngaphezu kokupheka lokucula ingoma zokholo uyaloba lokuqondisa njalo imdlalo kamabonakude TV and film. Nguye ebesilayo kuhlelo Woza Friday.
Your browser doesn’t support HTML5
KuWoza Friday silomculi womdumo wokholo uMfundisi Sonny Ncube exoxa loEzra Tshisa Sibanda