Inhlanganiso ebona ngokuphathelane lokudla emhlabeni jikelele eyeWorld Food Program ithi indlala isibhahile emadolobheni eZimbabwe ngenxa yomkhuhlane weCOVID-19 lokukhuphuka kwentengo yempahla ezitolo.
Embikweni ewethule ngoMvulo, inhlanganiso le ithi abantu abayizigidi ezimbili ezilenkulungwane ezingamakhulu amane: 2, 4 million sebesehluleka ukuziphandela emadolobheni.
Isiphathamandla salinhlanganiso uNkosikazi Fransesca Erdelman uthi okubangela lokhu yikuswelakala kwemisebenzi kanye lohlelo lwe lockdown lapho inengi elehluleka ukuphuma ezindlini liziphandele.
Inani labaswelayo likhuphuke laya kumatshumi amane lambili 42 percent kuwonalo umnyaka lisuka kumatshumi amathathu ekhulwini 30 percent ngomnyaka ka 2019.
UMnu. Thembelani Dube, isiphathamandla senhlanganiso yeBulawayo Progressive Residents Association uthi bayavumelana lombiko owethulwe yiWorld Food Program.
Your browser doesn’t support HTML5
Ingxoxo loMnu. Thembelani Dube