Ibhanga elikhulu lomhlaba eleWorld Bank lithi iZimbabwe ingelinye lamazwe alitshumi okulokudla okudula kakhulu emhlabeni jikelele.
Amanye alawamazwe agoqela eleArgentina, Egypt, Vietnam, Palestine, Malawi, Labanon, Burundi, Belize kanye leTurkey.
Lumbiko uza ngesikhathi uhuumende weZimbabwe esithi usebuyisele umthetho we-import duty, phezu kwezinto ezibalulekileyo empilweni kazulu eziyabe zithengwe phandle kwelizwe ezigoqela ukudla, okuyinto ingcwethi kwezenotho ezithi izabangela ukuthi intengo yezinto lezi ikhuphuke.
Okwamanje isinkwa esisodwa sibiza amadola eMelika ephezu kwalitshuli, US$1,10 kuthi i-10kg yempuphu yona ibiza amadola ayisitshiyangalombili, US$8. Abanengi bakhala ngokuthi intengo lezi ziphezulu kakhulu.
Enye yalezingcwethi uMnu Rejoice Ngwenya, owenhlanganiso yeCoalition for Market and Liberal Solutions utshele iStudio 7 ukuthi ukudula kokudla eZimbabwe lasemazweni akhulunywa yiWorld Bank kubangelwa ikakhulu yimithetho efakwa ngohulumende balawamazwe.
Your browser doesn’t support HTML5
Ingxoxo loMnu Rejoice Ngwenya