Abanye abaphelelwa yimisebenzi elizweni babikwa belubhekisa kwele South Africa ukuyadinga indlela yokuziphilisa lanxa uhulumende walelolizwe esithi ubuyisela emuva izizalwane zakwamanye amazwe ezihlala kwele South Africa ngokungekho emthethweni, okugoqela ezeZimbabwe.
Abanye njalo abaxotshwa emisebenzini kulandela isinqumo somthethwandaba weSupreme Court esokuthi abaqhatshi balelungelo lokumisa izisebenzi umsebenzi ngemva kokubatshela inhloso yabo kusasele inyanga ezintathu, bathi baphila ngokuthengisa impahla ezitshiyeneyo ezitaladini lanxa kungalethi inzuzo enengi.
UMnu. Bongani Mkhwananzi, isiphathamandla sogatsha lwabatsha kunhlanganiso ebona ngamalungelo ezizalwane zeZimbabwe ezihlala kwele South Africa eyeZimbabwe Community in South Africa, uthi imisebenzi ilokhu ingatholakali lula kulelolizwe njalo ukuwa kwamandla email yeRand sokwenze loluhlupho lwamemetheka.
Your browser doesn’t support HTML5
Ingxoxo LoMnu. Bongani Mkhwananzi