Inhlanganiso ebona ngezempilakahle emhlabeni wonke jikelele eyeWorld Health Organization (WHO) ithi kumele odokotela abakhalala umsebenzi eZimbabwe bekhonona ngeholo eliphansi lokuswelakala kwemithi lemitshina ezibhedlela zikahulumende bakhulumisane lohulumende ukwenzela ukuthi izigulane zelatshwe ngemfanelo.
Badla amalahle odokotela
UDokotela Alex Gasasira, omele inhlanganiso le kwele Zimbabwe, uthi isimo esibi somnotho elizweni yiso esenza ukuthi odokotela bakhalale umsebenzi.
Uthi izikhalazo zabodokotela zingeke zilungiswe nxa kungela kukhulumisana kwabo, uhulumende labanye ababona ngezempilakahle.
Odokotela asebehlale isikhathi eside ezibhedlela zikahulumende labo bakhalale umsebenzi namuhla njengabasakhulayo abenza lokhu mhla zintathu kuMpandula.
Odokotela abatshengisela eParirenyatwa Hospital
UDokotela Gasasira uthi ulethemba lokuthi uhulumende uzakhulumisana labodokotela kulungiswe iholo labo lokunye okutshiyeneyo.
“Njengoba usazi ukukhonona kwabodokotela kwenziwa yisimo esibi somnotho eZimbabwe. Lokhu kuphezu kokungenziwa ngabezempilakahle. Bakhonona ngeholo langendlela abasebenza ngayo. Inhlangothi ezinengi lempilweni nje abantu babhekane lohlupho olufanayo.
Bahlaba umkhosi odokotela eZimbabwe
“Silethemba lokuthi kuzakuba lokukhulumisana phakathi kwabodokotela lohulumende ngodaba lolu. Kubikwa ukuthi uhulumende uyazama ukulungisa indlela okusetshenzwa ngayo njalo langokuthi kube lemitshina lokunye. Silethemba njalo elokhuthi odokotela bazabuyela emsebenzini. Sikhathazekile ngokuthi abantu abafuna uncedo abasoze benelise ukuthola uncedo.”
Izibhedlela zikahulumende zilabodokotela abedlula inkulungwane lamakhulu amahlanu – 1,550. Odokotela abasathuthukayo bahola imali engaphasi kwamakhulu amabili amadola eMelika - $200 – ngenyanga.
Umgcinisihlalo wenhlanganiso eqhatsha odokotela eyeHealth Service Board, uDokotela Paulinus Sikosana, ucela odokotela ukuthi babuyele emsebenzini. Uthi uhulumende uyazama ukulungisa konke okubahluphayo.
Your browser doesn’t support HTML5
Ingxoxo Esiyenze LoDokotela Alex Gasasira