Inhlanganiso yeVoluntary Media Council of Zimbabwe (VMCZ) sichothoze intathelizindaba ezamukele izipho ezigoqela ukudla lamasepa ezikuphiwe nguNkosikazi Grace Mugabe.
Intathelizindaba lezi bezinxuswe nguNkosikazi Mugabe emhlanganweni awenzele eMbare ngeviki edluleyo ukuthi zibhalisa ukuze aziphe ukudla ngoba ezinye bezikhanya zilambile.
Zitshayelwe incingo ngoLwesithathu yihofisi kaNkosikazi Mugabe zisaziswa ukuthi zizethatha ukudla lokhu eState House ngoLwesine lapho ezifike zaphiwa khona ngamunye i50 kg yeRice eyaphiwa iZimbabwe yiChina, amafutha okupheka, isepa yokuwatsha leyokugeza.
Intathelizindaba lezi zigoqela ezamaphephandaba lemisakazo kahulumende kanye lezisebenzela amankampani azimeleyo.
I-VMCZ ikusolile kakhulu lokhu isithi ukwamukela izipho lezi zilakho kulakho ukubangela ukuthi intatheli lezi zilobe zeyamele kucele likaNkosikazi Mugabe.
Isiphathamandla salinhlanganiso uMnu Loughty Dube ukhuthaze onozindaba laba ukuthi babisele izipho lezi ngoba abakwenzileyo kubawisa isithunzi.
Your browser doesn’t support HTML5
Ingxoxo loMnu Loughty Dube