Uzulu weMelika kulinyanga uphakathi kokunanza imbali yabantu abansundu, okuyisikhathi esibizwa ngokuthi yiBlack History Month.
Loluhlelo lwenziwa mnyaka ngomnyaka kusukela mhlaka 1 kuNhlangula luze luyephela mhlaka 1 ngoMbimbitho.
Injongo ngeyokunanza indima esidlalwe ngabamnyama ekwakheni isizwe seMelika kusukela ngesikhathi begqilazwa ngabamhlophe lalapho sebephakama belwela amalungelo abo kuze kube namuhla.
Loluhlelo lwenziwa njalo ngesikhathi abanye belokhe bekhonona ngokuthi abantu abamnyama baphathwa kubi eMelika ikakhulu ngamapholisa ngemva kokubulawa mahlayana kwabansundu abafana loMnu George Floyd.
Ocubungula ezombusazwe uMnu Tim Muringai utshele iStudio 7 ukuthi lanxa kukunengi osokuguqukile ekuhlonipheni amalungelo abantu abamnyaka eMelika, kusakunengi okumele kwenziwe.
Your browser doesn’t support HTML5
Ingxoxo loMnu Tim Muringai