NKAYI —
Uzulu wenhla yeMandebeleni uthi ukugcotshwa kukaMongameli Robert Mugabe eqala ihlanda lakhe lesithupha lokukhokhela eleZimbabwe ngoLwesine ngomunye nje umcimbi ofana leminye esijwayelekile ngoba akutsho ukuza kwentuthuko kweleMandebeleni, lapho uzulu ahlezi ekhala ngokucindezelwa kwezokwabiwa komnotho, ukusweleka kwentuthuko kanye lakwezombusazwe.
UMugabe ugcotshwa ngoLwesine lapho azaqala ithuba lakhe lesithupha lokukhokhela eleZimbabwe, lona azaliqeda ngo 2018 eseleminyaka engamatshumi ayisificamunwe munye lemine (94) yokuzalwa.
Uthatha lesisihlalo nje kungokwakuqala ukuthi ibandla lakhe le Zanu PF lithole phose zonke izihlalo zedale lephalamende lamakhansili kweleMandebeleni selokhu lakhululekayo ngo 1980 eleZimbabwe.
Bazibala zingapheli abacubungula ezombusazwe izizatho ezabangela ukuthi iZanu PF yehluleke ukuthatha izihlalo ezinengi kweleMandebeleni njalo zigoqela inzondo ekuzulu ngodaba lokubulawa kwabantu okwenziwa libutho likaMugabe le Gukurahundi phakathi kuka 1982 lo 1987, ukusweleka kwentuthuko kusukela kulotshelwana isivumelwano se Unity Accord ngo 1987 esamisa iGukurahundi njalo satshiya ibandla le PF Zapu elalikhokhelwa ngumuyi uDr Joshua Nkomo seliginywe yi Zanu kwabunjwa iZanu PF yalamuhla.
Babalisa njalo ngokubandlulula kukazulu kumathuba emisebenzi, ekuphiweni kwezindawo zamakolitshi emfundo ephezulu kanye lokusweleka kwentuthuko enjengamanzi ahlanzekileyo atholakala eduze, izikolo ezifundisa ngoqotho ezingahanjelwa imimango emide kanye lamakilinika agcwele imithi yonke njalo engahanjelwa umhambatshone ukufinyelelwa yizigulane.
Kodwa lonyaka uzulu weMandebeleni uze wazimangalisa laye ngokuvota akwenzileyo ngoba kungokokuqala ukuthi iZanu PF ithathe izihlalo zonke ezilitshumi lantathu zedale lephalamende ezansi kweMandebeleni kanye lokuphosa ithathe zonke ezilitshumi lantathi njalo enhla kweMandebeleni.
Abanengi besakhala ngokuthi kwaba lobuqili obukhulu kakhulu kukhetho olunqotshwe nguMugabe ngesilinganiso esingaphezu kwamatshumi ayisithupha ekhulwini, iStudio 7 ingene esigabeni se Nkayi isiyazwisisa ukuthi bakhangeleleni kulelithuba likaMugabe njengoba impilo itshintshe yabambi selokhu aqala ukubusa ngo 1980.
Umnumzana scotch ndlovu yisakhamuzi se mkhalandoda e nkayi north. Ulandisa okukhangelelwe nguzulu wakibo kuthuba lesithupha ebusa umongameli mugabe.
Uthi lalamuhla uzulu we gwelutshena osekela amacele e mdc ukholwa ukuthi umongameli mugabe lebandla lakhe le zanu pf banqoba ngobuqili hatsho ukuvotelwa ngentando kazulu. Uchaza ezinye zezizatho ezenza basole impumela yokhetho esigabeni se gwelutshena.
UMnumzana Sox Ndlovu ngesinye sezakhamuzi ze Guwe ezithi zibona umlilo phambili njengoba uMugabe egcotshwa ngoLwesine.
Ocubungula ezombusazwe ekoBulawayo uMnumzana Fortune Mlalazi uthi akaboni uzulu weMandebeleni ethola intuthuko ngaphansi kukahulumende kaMugabe ogcotshwa ngoLwesine. Uthi abantu baphelelwe lithemba okokuthi abalakho yimibuzo nje kuphela ngekusasa yelikaMthwakazi.
Ocubungula ezamabhizimusi ekoBulawayo uMnumzana Bulisani Ncube uthi ukugcotshwa kukaMugabe kuvula amasango azabuyisela ilizwe ngaphansi kukahulumende ozafuna ukuqondisa intengo yezimpahla lokunye njengokwake kwabakhona ngesikhathi se Price Control.
Uthi ukugcotshwa kukaMugabe akutsho ukuthi uBulawayo uzavuselelwa noma lonke eleMandebeleni lithuthuke ngoba alikho enhlelweni ze Zanu PF zentuthuko.
UNcube uqhubeke esithi isithembiso sikaMugabe kokuqala ukuthatha ngenkani amankampani angaphezu kwenkulungwane ephiwa abansundu sizakwenza ukuthi lalabo abangabe befuna ukuzovula amankampani kuleli besabele khatshana kanti njalo abalamafekithali amalutshwana asavulileyo edolobheni balakho ukukhetha ukuvala kulokulahlekelwa ngamankampani abo.
Ugcotshwa nje oka Mugabe ngoLwesine, uzulu weMandebeleni usavule izindlebe lamehlo efuna ukuzwa njalo abone ukuthi umphatheleni umbuso omutsha.
UMugabe ugcotshwa ngoLwesine lapho azaqala ithuba lakhe lesithupha lokukhokhela eleZimbabwe, lona azaliqeda ngo 2018 eseleminyaka engamatshumi ayisificamunwe munye lemine (94) yokuzalwa.
Uthatha lesisihlalo nje kungokwakuqala ukuthi ibandla lakhe le Zanu PF lithole phose zonke izihlalo zedale lephalamende lamakhansili kweleMandebeleni selokhu lakhululekayo ngo 1980 eleZimbabwe.
Bazibala zingapheli abacubungula ezombusazwe izizatho ezabangela ukuthi iZanu PF yehluleke ukuthatha izihlalo ezinengi kweleMandebeleni njalo zigoqela inzondo ekuzulu ngodaba lokubulawa kwabantu okwenziwa libutho likaMugabe le Gukurahundi phakathi kuka 1982 lo 1987, ukusweleka kwentuthuko kusukela kulotshelwana isivumelwano se Unity Accord ngo 1987 esamisa iGukurahundi njalo satshiya ibandla le PF Zapu elalikhokhelwa ngumuyi uDr Joshua Nkomo seliginywe yi Zanu kwabunjwa iZanu PF yalamuhla.
Babalisa njalo ngokubandlulula kukazulu kumathuba emisebenzi, ekuphiweni kwezindawo zamakolitshi emfundo ephezulu kanye lokusweleka kwentuthuko enjengamanzi ahlanzekileyo atholakala eduze, izikolo ezifundisa ngoqotho ezingahanjelwa imimango emide kanye lamakilinika agcwele imithi yonke njalo engahanjelwa umhambatshone ukufinyelelwa yizigulane.
Kodwa lonyaka uzulu weMandebeleni uze wazimangalisa laye ngokuvota akwenzileyo ngoba kungokokuqala ukuthi iZanu PF ithathe izihlalo zonke ezilitshumi lantathu zedale lephalamende ezansi kweMandebeleni kanye lokuphosa ithathe zonke ezilitshumi lantathi njalo enhla kweMandebeleni.
Abanengi besakhala ngokuthi kwaba lobuqili obukhulu kakhulu kukhetho olunqotshwe nguMugabe ngesilinganiso esingaphezu kwamatshumi ayisithupha ekhulwini, iStudio 7 ingene esigabeni se Nkayi isiyazwisisa ukuthi bakhangeleleni kulelithuba likaMugabe njengoba impilo itshintshe yabambi selokhu aqala ukubusa ngo 1980.
Umnumzana scotch ndlovu yisakhamuzi se mkhalandoda e nkayi north. Ulandisa okukhangelelwe nguzulu wakibo kuthuba lesithupha ebusa umongameli mugabe.
Uthi lalamuhla uzulu we gwelutshena osekela amacele e mdc ukholwa ukuthi umongameli mugabe lebandla lakhe le zanu pf banqoba ngobuqili hatsho ukuvotelwa ngentando kazulu. Uchaza ezinye zezizatho ezenza basole impumela yokhetho esigabeni se gwelutshena.
UMnumzana Sox Ndlovu ngesinye sezakhamuzi ze Guwe ezithi zibona umlilo phambili njengoba uMugabe egcotshwa ngoLwesine.
Ocubungula ezombusazwe ekoBulawayo uMnumzana Fortune Mlalazi uthi akaboni uzulu weMandebeleni ethola intuthuko ngaphansi kukahulumende kaMugabe ogcotshwa ngoLwesine. Uthi abantu baphelelwe lithemba okokuthi abalakho yimibuzo nje kuphela ngekusasa yelikaMthwakazi.
Ocubungula ezamabhizimusi ekoBulawayo uMnumzana Bulisani Ncube uthi ukugcotshwa kukaMugabe kuvula amasango azabuyisela ilizwe ngaphansi kukahulumende ozafuna ukuqondisa intengo yezimpahla lokunye njengokwake kwabakhona ngesikhathi se Price Control.
Uthi ukugcotshwa kukaMugabe akutsho ukuthi uBulawayo uzavuselelwa noma lonke eleMandebeleni lithuthuke ngoba alikho enhlelweni ze Zanu PF zentuthuko.
UNcube uqhubeke esithi isithembiso sikaMugabe kokuqala ukuthatha ngenkani amankampani angaphezu kwenkulungwane ephiwa abansundu sizakwenza ukuthi lalabo abangabe befuna ukuzovula amankampani kuleli besabele khatshana kanti njalo abalamafekithali amalutshwana asavulileyo edolobheni balakho ukukhetha ukuvala kulokulahlekelwa ngamankampani abo.
Ugcotshwa nje oka Mugabe ngoLwesine, uzulu weMandebeleni usavule izindlebe lamehlo efuna ukuzwa njalo abone ukuthi umphatheleni umbuso omutsha.