Uzulu wakoBulawayo uveza imibono ehlukileyo ngenyathelo likahulumende lokuguqula ingwalo zokuhambisa ezama Passport, kusetshenziswa ama e-passport.
Abantu bakhangelwe ukuthi babe sebethethe ama e-passport amatsha lawa lapho kusiyafika uMpalakazi womnyaka ozayo ka2023.
AmaE-passport ayabe efana lasetshenzeswa okwamanje, umehluko kuyikuthi azabe elokuyi chip okuyabe kumumethe ulwazi lonke ngempilo yesihambi olufinyelelwa ngokufakwa kwayo emtshineni.
Abantu abanengi kabavumelani laleli nyathelo besithi kuvele kunzima ukuthola zona lezi ezikhona, abanye sebeleminyaka belinde ukuthi incwadi zabo ziphume.
Unkosikazi Nomsa Mloyi ngomunye wabasola leli nyathelo.
"Uhulumende uyaphambanisa kakhulu ngalokhu akwenzayo ngoba kunje khathesi abanengi bangaphandle kwelizwe bayehluleka ukuthi bathathe amapassport lokubuya khonapha kodwa okubuhlungu yikuthi bangaze bathathe awaphumi, ngabe bayahle bame bakhiphe wonalawo amatsha than ukukhipha amadala sekuyiku qilwa sikhangele."
Umnumzana Effort Ncube umqondisi weNational Consumer Rights yena ukhala ngendleko ebhekana lozulu kunhlelo ezinje.
"Imali entsha yama passport iveza kamhlophe ukuthi uhulumende weZimbabwe ucabanga ukuthi abantu imali bayayibutha njenhlabathi. Njengalokhu bona bephezulu ukuthi bayebe imali bacabanga ukuthi abantu bonke bayayidobha kugcwele ubuyanga phakathi kwabantu abangazibangelanga bona imali yama passport iphezulu kakhulu.”
Umnumzana Lwazi Ncube ohlala kwele South Africa ngomunye wababhalisela ukuthola ipassport eselesikhathi ingakaphumi.
"Mina as a citizen ipassport yami iphakathi angizwisisi nxa sekuthiwa sekusezwa oE passport and it is sudden,eyami izaphuma kumbe sekudinga ukuthi ngidinge eyinye imali angikuzwisisi."
Unkosikazi Thandeka Mlilo isakhamuzi seNketa uthi imbadalo efunwa nguhulumende ukuthola lezi ngwalo kayeneliswa ngabanengi.
"Silokudana kakhulu ngalokhu okutshiwo nguhulumende ngoba abantu abanengi lokhe bathatha kudala amapassport lokhe belindele manje nxa sebeletha eyinye isystem bona behlulwa ngeyakudala kuyini okuzalunga."
Unobhala wogatsha lokwethulwa kwemibiko, umnumzana Nick Mangwana ulobe enkundleni yebulenjini eyeTwitter ethi uhulumende useguqula ingwalo zokuhambisa ezama passport akhona manje ethi njalo laba abalamapassport la basalelwe yiminyaka emibili.
Ugatsha lwendaba zasekhaya oluyilo olulehofisi yokubhalisela ingwalo eziqakathekileyo lwethule umbiko wokuguqulwa kwamapassport amadala kubuye kula amatsha bethi lokhu kuzancedisa ukuthi kubelula ukusebenzisa kanye lokuthi kungabi lobugebengu.
Umbiko lo uchaze njalo ukuthi uhulumende usebenzisana le Garsu Pasaulis ukuthi kulungiswe incwadi ezintsha ethi lokhu kungamanyathelo okulandela iziqondiso eziphakathi kwesivumelwano samazwe ese International Civil Aviation Organization.
Your browser doesn’t support HTML5
Udaba lwamaE-Passport siluphiwa nguBathabile Masuku