Kulabanye abantu abathi akwaziwa ukuthi imali entsha izanceda kumbe hatshi ukuthi uzulu athole imali emabhanga nxa eyifuna.
Abanye abathole imali entsha yamaphepha elinani lamadola amabili $2 lefanayo eyamatshe bathi akwaziwa ukuthi imali le ingaguqula njalo umnotho welizwe leZimbabwe obhidlika okumangalisayo.
Abanye abathole imali le eHarare bathi bavunyelwe ukuthatha amakhulu amathathu amadola ngeviki $300 Zimbawbe dollars.
Omunye wabemukele limali ngenjabulo nguMnu. Tafadzwa Chigandiwa othi kumele limali itholakale zonke insuku njalo behlise intengo yempahla ezitolo.
“Into esikhala ngayo yikuthi imali le izabe itholalala na lokuthi izakwehlisa intengo ezitolo na, nxa ingenzi lokhu ayisincedi.”
Abanye abafana loMnu. Takawira Kovedzai bathi akusoze kusize ngalutho ukufaka imali entsha emabhanga ngoba abantu abanengi eZimbabwe abasebenzisi amabhanga.
“Leli inyathelo elithethwe nguhulumende ukubisa imali kodwa angiboni liluncedo ngoba okwakhathesi nxa sikhangelisisa abantu abanengi benza imisebenzi yezandla kabayi emabhanga.”
Lokhu kusekelwe nguMnu. Marshall Bwanya othi imali le izaphanga yehle isisindo sayo ngenxa yokuba ilizwe lingela elikulimayo loba elikulungisayo okuthengiswa kwamanye amazwe okungaletha imali yakwamanye amazwe elizweni.
Your browser doesn’t support HTML5
Udaba Esilethulelwe NguGibson Bhebhe
Emabhanga amanengi akoBulawayo bekulokhe kulendwendwe ezinde njalo abantu abambalwa bebephiwa imali yephepha leyamatshe eye$2 entsha, okuveza ukuthi ukusilela kwemali lokhe kuqhubekela phambili lanxa uhulumende ubethembisa ukuthi ngokuza kwemali entsha udubo lolu luzahle luphele.
Your browser doesn’t support HTML5
Udaba Esilethulelwe NguBathabile Masuku