Abamabandla aphikisayo,inhlanganiso ezilwela ilungelo loluntu kanye luzulu we Harare basola inkulumo kamsekeli kamongameli, uMnu. Emmerson Munangagwa eyokuthi uhulumende weZanu PF nguye olamandla wokukhetha inhlanganiso zakwamanye amazwe ukuzohlola ukuqhutshwa kokhetho elizweni.
Abezombusazwe bathi inkulumo ezinje azingalunganga ngoba zibuyisela muva imizamo yokuletha umbuso wabanengi ngendlela yokhetho olungavusi msindo njalo lungaphikiswa impumela yalo.
Enye inkokheli kwelinye lamabandla aphikisayo le Democratic Assembly for Restoration and Empowerment – DARE,umnumzana Elvis Mugari,uthi iyayangisa linkulumo kamongameli njalo ayilasithunzi.
Unobhala jikelele webandla le People’s Democratic Party – PDP, u Dr Gorden Moyo uthi iyabamangalisi njengabandla inkulumo kaMunangagwa.
UMoyo uthi bamangaliswa yilenkulumo ngoba sekukhulunywa ngezokhetho kodwa bonaba ababaxotshayo bengabantu abaphathisa uhulumende nxa esedinga usizo.
Isakhamuzi semzini we Westlea, uMnu. Jeffery Moyo oyintathelizindaba esebenza izimele ngomunye wezakhamizi se Harare ezisole amazwi kaMnu. Mnangagwa.
UMoyo uthi lokhu ngokunye okungenza ukuthi impumela yokhetho ingemukeleki.
Abamabandla aphikisayo ahlezi ekhalakhala ngempumela yoketho abathi kaluqhutshwa ngemfanelo. Inhlanganiso eziyandise ukuvunyelwa ukuza elizweni zibalisa ezisekela ibandla le Zanu PF eziyandise ukuphanga zithi ukhetho luqutshwe ngemfanelo.
Kungakho ambandla aphikisayo lenhlanganiso ezilwela ilungelo likazulu zihlala zikhankasela ukuvunyelwa kwenhlanganiso ezingasekeli hlangothi okubalisa eye United Nationa, eye European Union kanye lamalunga abohulumende bakwamanye amazwe ukuzabona ukuba luqhutshwa ngendlela na ukhetho loba hatshi okuyinto umongameli Mugabe lobukhokheli bakhe, bengafuni ukuyivumela.
Your browser doesn’t support HTML5
Udaba Silethulelwa nguMavis Gama