Kuhlelo lwamasiko lenhlalakahle kazulu, ngoLwesibili sixoxe ngokuswelakala kwemithi lokunye okutshiyeneyo ezibhedlela eZimbabwe osokusenza ukuthi abantu abanengi badinge uncedo ezinyangeni.
Inyanga zithi ziyenelisa ukwelapha imikhuhlane enjenge high blood pressure, imvukuzane lokunye okwelatshwa ngodokotela.
UMnu. David Mhabinyana Ngwenya, inyanga ekunhlanganiso yeZINATHA, utshele iStudio 7 ukuthi akumangalisi ukuthi uzulu usedinga uncedo lokwelatshwa enyangeni.
“Izinyanga zazivele ziyisibhedlela sabantu kungakafiki abelungu beselatshwa imikhuhlani yonke engabe iselatshwa ezibhedlela lamuhla. Abantu abakhala ngakho yimkhuhlane enjengalowo owetshukela le high blood pressure kanye lemvukuzane.
“Nxa umuntu eyinyanga njengoba lami nginje akwelaphi mina, kwelapha idlozi. Ngiyaphuphiswa ngibesengisiyathola umuthi wokwelapha lowo azabuya edinga uncedo.”
Your browser doesn’t support HTML5
Ingxoxo Esiyenze LoMnu. David Mhabinyana Ngwenya
Kodwa-ke uDokotela Anette Moyo uthe kakhuthazi ukuthi uzulu adinge uncedo enyangeni.
“Thina sinheke sasekele ukuthi abantu baye ezinyangeni ngenxa yokuthi thina sikholelwa kuscience eyathethwayo kwabonakala ukuthi indlela ezithize ziyasebenza. Ngakho nxa sizasebenzisa isintu sona esingahlolwanga ukuthi sikhangelisise ukuthi siyasebenza esingakubiza ngokuthi yi-evidence based ayikho ukuthi uye enyangeni … Kodwa ngiyazwisisa ukuthi umumo wezenotho eZimbabwe ucina usenza ukuthi abantu baye enyangeni.”
Your browser doesn’t support HTML5
Ingxoxo Esiyenze loDr. Anette Moyo
UMfundisi Useni Sibanda owenhlanganiso yeZimbabwe Institute for Social Transformation, uthe inyanga ziqila uzulu ongelamandla okudinga uncedo lwezempilakahle ezibhedlela.
“ONgwenya laba beZINATHA badlela abantu izimali. Hanti ivele ikhona eminye imithi enjengabontolwane labosihaqa. Akudingakali ukuthi umuntu aze aye enyangeni ukuze umuntu ayekuthola lokhu. Odokotela labo abafundayo bayakhuluma ukuthi ungathola isihaqa siyakunceda.”
Your browser doesn’t support HTML5
Ingxoxo Esiyenze LoMfundisi Useni Sibanda