Uzulu uthi ukhathazekile kakhulu ngokwanda kwezehlakalo zamasotsha antshontsha ezindlini ehlomile kanye labamba inkunzi.
Lokhu kuza ngemva kokubotshwa kwamasotsha amabili esetheswa icala lokugqekeza kwenye indlu eHarare mhlaka 24 kulinyanga abulala umuntu oyedwa njalo antshontsha imali engena kumadola eMelika azinkulungwane ezingamatshumi amane, US$40,000.
Inkundla yeZimLive ithi abasolwa laba nguLameck Kabara oweZimbabwe National Defence College kanye loChristopher Charuma okuhlangothi lweAir Force.
Ababili laba babikwa bezamiswa enkantolo ngoLwesibili.
Ngenyanga esanda kwedlule igqwetha, uMnu Joseph Nemaisa, udubule wabulala amasotsha amabili ayeyingxnye yeqembu lezigebengu ezazigqekeze endlini yakhe eHarare.
Kulesotsha njalo elingene ebhawa eMhondoro-Ngezi ngosuku lwekhisimusi labulala abantu abahlanu ngeAK-47.
Isiphathamandla senhlanganiso yeBulawayo Progressive Residents Association uMnu Thembelani Dube utshele iStudio 7 ukuthi kuyadanisa ukuba abasotsha amele avikele abantu yiwo asebahlukumeza.
Your browser doesn’t support HTML5
Ingxoxo loMnu Thembelani Dube
Isikhulumeli sebutho uMnu Alphios Makotore ubengadobhi ucingo lwakhe.