Izizalwane zeZimbabwe zithi luhle uhlelo lukaMark Zuckerberg, umqondisi weFacebook, ozame ukuthi uzulu angene ebulenjini beInternet engabhadali lutho.
Zithi lanxa uZuckerberg owethekelela amazwe anjenge Kenya leNigeria okwamanje engasoze agxobe eZimbabwe, kuzaba kuhle nxa uhlelo lolu olubizwa ngokuthi yi Internet.org project lungasungulwa kuzwekazi leAfrica.
Uhlelo lolu lukhangelelwe ukuthi luzancede izifundi, osomabhizimusi labantu makhaza ikakhulu labo abahlala emaphandleni abangenelisi ukungena ebulenjini beInternet.
Kukhanya uhlelo lukaZuckerberg lolu luzabuyela emuva kulandela ukudubuka kweSpace Craft eMelika ekade ithwele imitshina yokulusungula emoyeni ngesikhathi esethekelela amazwe eAfrica.
Loba kunjalo, ingcwethi ezibona ngezobulembu beInternet zithi uhlelo lolu lulakho ukuguqula okunengi nxa lungasungulwa kuzwekazi leAfrica.
UMnu. Thembaphi Sibanda, eyinye yezingcwethi lezi uthe uhlelo lwe Internet.org project kumele luphumelele ukwenzela ukuthi luthuthukise okunengi eZimbabwe lamanye amazwe eAfrica.
Your browser doesn’t support HTML5
Ingxoxo Esiyenze LoThembephi Sibanda