Ukukhwezwa kodaba lwempumela yokhetho sokudale inkulumo yokuthi kambe ilizwe lingacina selibuswa na nguMnu. Nelson Chamisa owomanyano we MDC Alliance nxa kungatholakala ubufakazi bokuthi ugatsha lwezokhetho, iZimbabwe Electoral Commission, lwaphosisa ekubutheleleni amavoti okungaba kwabangela ukuthi uMongameli Emmerson Mnangagwa angqobe.
UChris Gande weStudio 7 uxoxe lengcwethi ecubungula ezombusazwe, uMnu. Rejoice Ngwenya ukuze sizwe umbono wakhe ngaloludaba.
“Isisekelo sombuso wethu siyachasisa ukuthi nxa umuntu efuna ukuba ngumongameli welizwe, nxa elezikhalazo kumbe kajabuli ngendlela eyenzwa ngayo uyahamba econstititutional court ayefaka amaphepha akhe. Akulankinga lapho mfowethu,” kutsho uNgwenya.
Your browser doesn’t support HTML5
Ingxoxo loMnu. Rejoice Ngwenya
Abanye abakumabandla aphikisayo bathi impumela yomethethwanda we constitutional court eyokhetho ilakho ukuba lokwenza labehluli abazakhethwa ukuhluza loludaba. Phansi kwesisekelo sombuso abehluli kumele babe yisikhombisa kumbe isifica munwe munye.
Owayekhokhela ugatsha lwezokhetho, iZEC, uNkosikazi Rita Makarau ababalisa uNkosikazi Elizabeth Gwaunza, Paddington Garwe, Marie Anna Gowora, Ben Hlatshwayo, Bharitumar Patel, Antonio Guavava, Susan Mavhangira labanye.
UChris Gande weStudio Seven uxoxe lomela iBinga edale lephalamende njalo elilunga leMDC Alliance, uMnu. Prince Dubeko Sibanda, ukuze sizwe loludaba kabanzi.
“Okwenzakalayo yikuthi nxa ojudge sebekebahlala balalela loludaba, omunye lomunye athi ubufakazi obukhona ubuzwa njani. Ubona angani ubufakazi obufakwe ngumamangala bulesisindo na kumbe kumele bulahlwe,” kutsho uSibanda.
Your browser doesn’t support HTML5
Ingxoxo loMnu. Prince Dubeko Sibanda