Umhlangano omkhulu webandla lamaRepublicans uqhubekele phambili ngoLwesibili lapho ibandla leli ebelikhangelelwe khona ukukhetha uMnu Donald Trump okusemthethweni ukuthi abe nguye olimelayo kukhetho lokudinga uMongameli weMelika ngoLwezi.
Abakhulume emhlanganweni lo ngoMvulo basole ozancintisana loMnu Trump emele ibandla lamaDemocrats uNkosikazi Hillary Clinton besithi ngumuntu ongathembekanga ongeke akhokhela ilizwe ngobuqotho.
Owake waba nguMayor weNew York uRudy Giuliani ekhuluma emhlanganweni wamaRepublicans
Abantu laba bagoqela owake waba nguMayor weNew York uMnu Rudy Giuliani.
Izikhulumeli ezinengi zichaze uTrump njengomkhokheli oqotho ozakwenza eleMelika libe lilizwe eligeleza uluju lochago alubana ethe wakhethwa ukuba nguMongameli.
UmkaTrump uNkosikazi Melania Trump laye ukhulumile, kodwa ube yinhlekisa ngemva kokweba amazwi kaNkosikazi Michelle Obama awethula ngo2008 emhlanganweni wamaDemocrats.
Unkosikazi Melania Trump umkaDonald Trump ozancintisa emmele ibandla lamaRepublicans kukhetho lokudinga umongameli weMelika
Umkhokheli wenhlanganiso yeZimbabweans Based Abroad uMnu Dumaphi Mema utshele iStudio 7 ukuthi kavumelani lokunengi okukhulunywa nguMnu Trump, ngakho usekela uNkosikazi Clinton.
Your browser doesn’t support HTML5
Ingxoxo loMnu Dumaphi Mema