Isiphathamandla se Women of Zimbabwe Arise, i-WOZA, uNkosikazi Jenni Williams okhonapha eMelika uthi kufanele amazwe omhlaba ayehlolisisa umumo wezombusazwe eZimbabwe kuze kwedlule ukhetho ngoba sokulempawu ezikhomba ukuthi kuzaba lodlakela olwesabekayo kungaqhutshwa ukhetho lonyaka.
UWilliams use Carlifornia emhlanganweni osaqhubeka, owe Sanela Diana Jenkins International Human Rights Speaker Series ekolitshini leStanford lapho atshengise abantu imifanekiso yabahlukuluzwa ngokhetho olwedluleyo, kanye lezindlu ezatshiswayo.
UWilliams utshele uSithandekile Mhlanga we Studio 7 ukuthi kuleminye imihlangano eminengi-nengi alokhu eyiqhuba, lapho akhuluma ngokwephulwa kwelungelo loluntu eZimbabwe.