Namhla kuhlelo lwethu Liphuma Lendaba Litshone Lendaba sixoxa ngodaba lwentambazana eyakhthwa ukuba yiyo enhle elizweni, uMiss Zimbabwe, uThabiso Phiri osetshiye lesi sikhundla kulandela imbiko ethi imfanekiso yakhe engagqokanga ayeyithathe lejaha lakhe isihazwe ebulenjini be Internet.
Ijaha lika Thabiso libikwa lenza lesi siga ngemva kokuba ababili laba sebehlukene. Osekukhathaze abanye yikuthi kulemfanekiso yentombazana engagqokanga evalwe ubuso ethiwa ngeka Thabiso kodwa abamaziyo bathi kayisuye.
UThabiso kaxotshwanga kodwa uzitshiyele isikhundla lesi ngemva kwemibiko yemfanekiso yakhe engagqokanga.
Abanye ngabathi waokhela umlilo emehlweni ngokuvuma ukuthatha limfanekiso engagqokanga. Kodwa abanye ngabathi hatshi kalacala omele ajeziswe ngujaha owethula lezi zithombe ebulenjini.
UThabiso ubemele aphiwe imota njengomvuzo wokungqoba kumdlalo lo aphinde njalo amele ilizwe emdlalweni le emazweni atshiyeneyo.
Kuhelo "Liphuma Lendaba Litshone Lendaba" liviki uChris Gande weStudio 7 uxoxa lengcwethi ecubungula ezokwethulwa kwemibiko, uMnu. Zenzele Ndebele.
Your browser doesn’t support HTML5
Uhlelo Liphuma Lendaba Litshone Lendaba