Owayengumongameli wakwele Melika uMnu. Donald Trump usetholakale elamacala angamatshumi amathathu lane – 34 okuqamba amanga engwalweni zamabhizimusi akhe ukwenzela ukuvala umlomo umakhwapheni wakhe uStormy Daniels ngesikhathi kuqhutshwa ukhetho ngomnyaka ka2016.
Abezindaba abeReuters babika ukuba akade bephethe udaba lolu abalitshumi lambili – 12 baphume lesinqumo lesi sokufika phose amatshumi amabili behlolisisa okwethulwa emthethwandaba,
UTrump, oncintisana kukhetho oluzaqhutshwa ngoLwezi loMongameli Joe Biden, bathi waya emacansini loDaniel wasemhlawula sokulungiselelwa ukhetho ukuze udaba lwakhe lungakhuluntwa emphakathini.
Ngumongameli wakuqala kwele Melika othalakale elecala.
UTrump utshele abezindaba esanda kutholakala elamacala ukuba konke lokhu kwenziwa nguhulumende kaBiden ongafuni ukuba anqobe kukhetho oluzayo.
Uzagwetshwa ngoNtulikazi lapho okukhangelelwe ukuba umahluli uzakwethula isigwebo esifaneleyo.