Ozangena kukhetho emele ibandla lamaRepublicans uMnu Donald Trump ukhangelelwe ukwethula umbiko wakhe emhlanganweni omkhulu owebandla lakhe owe Republican National Convention ogqitshwa ngoLwesine eMilwaukee, eWisconsin.
Umsekeli wakhe asanda kumkhetha uSenetha James David Vance wethule umbiko wakhe ngoLwesithathu ntambama lapho athe ibandla lakhe yilo elizwisisa inhlupho zezizalwane zeleMelika.
Umhlangano lo wenziwe kulandela ukudutshulwa kukaTrump ngoMgqibelo esemkhankasweni ePennsylvania, okuyinto esisolwe ngabanengi abagoqela umongameli Joe Biden.
Umkhankaso kaBiden lawo uqhubekele phambili ngoLwesithathu kodwa umongameli wasetholakala elomkhuhlane wecovid.
Uzakuma kancane ukukhankasela ukhetho lolu ngesikhathi abanye abakubandla leli besithi kumele adedele omunye. Olandela ezombusazwe uMnu. Masimba Kuchera uthi lokhu kulakho ukuphazamisa umkhankaso wakhe.
SEE ALSO: Ingxoxo loMnu Masimba Kuchera