Uphenyo luveza ukuthi abancintisa kukhetho lukaMongameli weMelika baqhubeka bengutshiki lobhanqa sokusele amaviki amabili nje kuphela ukuthi kuyiwe kukhetho.
Owake waba nguMongameli walelilizwe uMnu Donald Trump, omela ibandla lamaRepublicans uzancintisana loNkosikazi Kamala Harris owebandla lamaDemocrats kukhetho lolu mhlaka 05 ngoLwezi.
Kuzakhethwa njalo amalunga amadale ePhalamende womabili aweCongress kanye lenkokheli yezabelo.
Ziyisikhombisa izigaba ezibalulekileyo ezingadala ukuthi umuntu anqobe kukhetho lukaMongameli, ama-battleground states, njalo zibalisa iPennslyvania, Georgia, North Carolina, Michigan, Arizona, Nevada leWisconsin.
UTrump loHarris baphakathi kokukhankasa kulezizigaba.
Ukuhlaziya loludaba sixoxe lolandela ezombusazwe zeMelika uMnu Tim Muringai ohlala eOhio, yena othi uMnu Trump loNkosikazi Harris bayalingana ngosekelo, ngakho akucaci ukuthi ngubani ozanqoba.