Abancintisana kukhetho lukamongameli eMelika basabalala elizweni lonke bedinga usekelo sokusele amalanga amahlanu okhetho lolu osekufakwe imali enengi kakhulu eyokulwisana kumabonakude lezinye inkundla zikazulu.
Umsekeli kamongameli uNkosikazi Kamala Harris okubandla lama Democrats lowayengumongameli uMnu. Donald Trump okubandla lama Republicans ngoLwesine bakhankasela ukhetho bese Milwauke, Arizona, Nevada, New Mexico lezinye indawo.
Badinga abangakavoti labanye abathi kabakacabangi ukuthi bazavotela bani.
Okwamanje kulabantu abedlula izigidi ezingamatshumi amahlanu – 55 million asebevote kusigaba sakuqala sokhetho lolu – iearly voting.
Kusenjalo, idale leSupreme Court selivumele isabelo seGeorgia ukuba lesule amagama alabo abacatshangelwa ukuba bavota okungekho emthethweni.
Esabelweni sePennyslyvania, usomabhizimusi uMnu. Elon Musk uqhubekela phambili ngomkhankaso wokunika imali enengi labo abazavota kulokhu okwaziwa ngokuthi yi-lottery.
Usekela uTrump lebandla lama Republicans elifuna ukunqoba esabelweni lesi.
Iziphathamandla zesabelo lesi seziphanyeke udaba lolu emthethwandaba.
Odabuka eZimbabwe okweleMelika okuhlelo lweHubert Humphrey Fellowship, uMnu. Nkosikhona Dibiti, ulandela ukhetho lolu ese-Arizona.
SEE ALSO:
Ingxoxo Esiyenze loMnu. Nkosikhona DibitiAbeZimbabwe badlana ingqondo ngokhetho lweMelika oluzaqhutshwa ngeviki ezayo.
Kulabasekela uNkosikazi Harris labathakazelela uTrump.
Ukuze sihlaziye udaba lolu, sixoxe loMnu. Greater Sibanda othakazelela uTrump loMnu. Fortune Mlalazi osekela ibandla lama Democrats.