Insangu ziludaba olungajwayelekanga oluhlanganisa izizalwane zeMelika elizweni elehlukaniswa ngezombusazwe, kanti uphenyo lukhomba ukuba abantu abayisilinganiso samatshumi phose ayisitshiyagalolunye, 88 percent, bayakusekela ukuvunyezwa-thize kwalesisidakamizwa.
Khepha abagqugquzela ukuthi insangu zifakwe emthethweni bathi akekho phakathi kwalabo abancintisa kukhetho lukaMongameli oluzayo okhanya esamukela ukuguquka kwemibono yabantu lokhu ukuze athole usekelo.
Cishe ingxenye ezintathu kwezine zabantu baseMelika zihlala eziqintini lapho insangu ezisemthethweni esetshenziswa ukwelapha imikhuhlane.
Ingxenye yabantu bahlala endaweni lapho okuvunyelwa khona ukubhema ngenjongo kuzijabulisa.
Kodwa imbanje zilokhu zingavunyelwa ngokugcweleyo phansi komthetho kahulumende, lapho efakwa khona ndawonye le-heroin leLSD ,esibayeni sezidakamizwa ezingaba yingozi njalo ezingeke zisetshenziswe ukwelapha.
FILE - A vendor makes change for a marijuana customer at a cannabis marketplace in Los Angeles, April 15, 2019.
Ubunengi babantu beMelika abavotayo abathi lokho kumele kuguqulwe benza insangu zibe lithuba elihle kwabancintisa kukhetho lukaMongameli uMnu Joe Biden loMnu Donald Trump, ikakhulu phakathi kwabavoti abasebatsha, ngokusho kukaScotty Smart, obona ngokuqhutshwa kwenhlelo zenhlanganisayo yeNew Georgia Project.
“Abantu abanengi abazwisisi umlayo. Abantu abanengi abazi ukuthi imilayo ithinta kanjani impilo zabo mihla ngemihla. Ngicabanga ukuthi insangu ziludaba oluvutha amalangabi futhi olujabulisa abantu abatsha,” kutsho uMnu Smart.
Ekhuluma emhlanganweni weNational Cannabis Festival and Washington Policy oqhutshwe ekuqaleni komnyaka, umsunguli walumbukiso uCaroline Phillips uthe akulamanyathelo uBiden loTrump asebewathethe awokuthi insangu zibe semthethweni.
"Bobabili, into eyodwa abafana ngayo yikuthi imbali yabo ngensangu ayitshintshi. Sizizwile izithembiso ezivela kubo bobabili, kodwa akulalutho asebelugcwalisile,” kutsho uPhillips.
Ngaphansi kombuso kaBiden, ugatsha lwezempilakahle lwaxwayisa ukuthi insangu zifakwe esigabeni sezidakamizwa ezingela ngozi phakathi - "ihlelwe kutsha," esikhundleni sokuyenza ibe semthethweni, okuzobe "kuyikuhlehlisa."
Marijuana Legalization
"Umlayo weWhite House mayelana lembanje awucaci kahle. Basinike izimpawu ezikhomba ukuthi bazimisele ukuguqula umthetho. Kodwa asikaziboni izenzo ezikusekelayo lokho,” kutsho uPhillips.
Ngo-2018, owayenguMongameli uTrump wathi, "mhlawumbe" uzoyisekela imizamo yokuqeda ukwalelwa kwabantu ukubhema insangu nguhulumende atshiye izigaba zizikhethele ezikufunayo. Lowo mthetho awuzange uphume ePhalamende.
UTrump utshele intathelizindaba yomsakazo kamabonakude oweNewsmax nyakenye ukuthi uphenyo lukhomba ukuba insangu "zenza umonakalo omkhulu, kodwa ngokombono wokuvota, ziyinto ethandwa kakhulu."
"Imbali kaTrump ngembanje ayicaci. Sesimzwile esithi abantu abathengisa izidakamizwa ngaphandle komthetho kumele bavalelwe ejele kumbe babulawe. Ngicabanga ukuthi leyo ngenye yezinkulumo ezethusayo ezimayelana lalokho. Kodwa sike sambona exolela abantu ababebotshelwe insangu,” kutsho uPhillips.
Marijuana New York Farmers
Ukutshintsha kwemibono yabavoti beMelika phezu kwensangu kuvele kuphenyo olwenziwe yiGallup nyakenye, lapho okuvele khona ukuba abantu abadala abayisilinganiso samatshumi ayisikhombisa ekhulwini, 70 percent, basekela ukuthi insangu zivunyelwe ngokusemthethweni. Lokho kungaphezu kokuphindwe kabili kwesibalo sabantu abathi bafuna lokho ngomnyaka ka2000.
“Lolu ludaba olubalulekileyo kubavoti, ikakhulu abavoti abasebatsha, lakulabo abancintisayo abafuna ukuthola usekelo olunengi, kungaba kukhetho lukaMongameli, olwedale leCongress kumbe olwenkokheli yezigaba, uma bengalutshaya indiva lolu daba, balakho ukungavotelwa,” kutsho uMorgan Fox, umqondisi wenhlanganiso yeNational Organisation for the Reform of Marijuana Laws.
Abavoti abasebatsha abagqugquzelwa ukuthi insangu zibe semthethweni balethemba lokuthi uhulumende kaBiden uzothatha amanyathelo phambilini kokhetho ngoLwezi.