Uzulu weMatabeleland sechothoze isiphathamandla seZanu PF uMnu Obert Mpofu phezu kwamazwi akhe okuthi akulamuntu ovela kulesisigaba olungele ukuba nguMongameli weZimbabwe.
Ekhuluma emhlanganweni weZanu PF eLupane ngoMgqibelo, uMpofu usole ukulwisana okusebandleni leli esithi bona njengesigaba seMatabeleland North, babambene njalo kakho ofuna isikhundla sikaMugabe.
Wengeze wathi ngaphandle kwalokho, akulamuntu weMatabeleland olungele ukuba nguMongameli.
Lanxa kungacaci ukuthi uMpofu ubekhuluma ngamalunga eZanu PF kuphela kumbe ngozulu weMatabeleland nje jikelele, uzulu uyawasola kakhulu amazwi la esithi eyisa abantu balesi sigaba.
Omunye wabasole uMpofu, nguMnu Zenzele Ndebel, ingcwethi kwezombusazwe.
"Lobu yibo ubuwula benkalakatha yendoda engangoObert Mpofu," kutsho uMnu Ndebele.
Your browser doesn’t support HTML5
Ingxoxo loMnu Zenzele Ndebele