Thomas Chiripasi
UNkosazana Thokozani Khupe, otshaywe ngabanye abalandeli bebandla leMDC-T ngesikhathi kungcwatshwa umuyi uMorgan Tsvangirai, uthi nguye obambe isikhundla somongameli webandla leli ebelikhokhelwa nguTsvangirai.
UKhupe uthi kungamanga ukuthi uMnu. Nelson Chamisa nguye obambe isikhundla sikamuyi njengalokho okwethulwa lidale leNational Council yeMDC-T.
Uthi utshayelwe ukuthi uphikisa okwenziwa nguChamisa.
Lokhu kutsho ukuthi sokulabantu abathathu abathi babambe isikhundla sikamuyi uTsvangirai. Omunye njalo obengumsekeli kaTsvangirai, uMnu. Elias Mudzuri laye uthi wakhethwa nguTsvangirai ukuthi abambe isikhundla sakhe engakabhubhi.
UMaKhupe uthi uzabiza umhlangano oqakathekileyo owe Extra Ordinary Congress ukwenzela ukuthi kulungiswe udaba lwesikhundla sikamongameli webandla leli.
Your browser doesn’t support HTML5
Ingxoxo Esiyenze LoNkosazana Thokozani Khupe
Kodwa-ke uNkosazana Thabitha Khumalo, umsekeli wesikhulumeli sebandla leMDC-T, uthi uMaKhupe ukhuluma angakwaziyo.
Your browser doesn’t support HTML5
Ingxoxo Esiyenze LoNkosazana Thabitha Khumalo
Ingcwethi kwezombusazwe, uDokotela Nkululeko Sibanda, uthi ibandla leMDC-T lilakho ukudabuka phakathi ngenxa yokulwisana kwenkokheli kubangwa isikhundla sikamongameli.
Your browser doesn’t support HTML5
Ingxoxo Esiyenze LoDokotela Nkululeko Sibanda