Ibandla leMDC elikhokhelwa nguNkosazana Thokozani Khupe lithi selicele amagqwetha alo ukuthi amangelele emthethwandaba icele leMDC elikhokhelwa nguMnu. Nelson Chamisa ukuze bathole izigidi phose ezimbili zama dola - $1.8 million - abayiphiwa nguhulumende.
UMnu. Obert Gutu, umsekeli kaMaKhupe, uthi benze lokhu kulandela ukususwa emthethwandaba licele lika Chamisa icala lokuthi kabavunyelwa ukusebenzisa ibizo lempawu zeMDC-T.
UGutu uthi kusobala ukuthi yibo abasebenza okusemthethweni hatshi uChamisa owathatha ngenkani isikhundla sika muyi uMorgan Tsvangirai esanda kubhubha.
UMnu. Den Moyo, umgcinisihlalo webandla leMDC-T kwele Melika ekhokhelwa nguMaKhupe, uthi lizathathelwa impahla ithengiswe icele lika Chamisa nxa lingehluleka ukubisela imali le kuMDC-T kaMaKhupe.
Your browser doesn’t support HTML5
Ingxoxo Esiyenze LoMnu. Den Moyo
Kodwa-ke uMnu. Stan Mukasa, unobhala jikelele webandla leMDC-T ekhokhelwa nguMnu. Nelson Chamisa, uthi uMaKhupe labanye bakhe bayaziyenga.
Your browser doesn’t support HTML5
Ingxoxo Esiyenze LoMnu. Stanford Mukasa