Umkhosi walonyaka owokubukisa imisebenzi yabakhubazekileyo kanye lokunye owe-National Disability Expo uqale namuhla eBindura.
Abantu abedlula inkulungwane ezingamatshumi amathathu, 30,000 bakhangelelwe ukungena lumkhosi ozavulwa okusemthethweni ngoLwesihlanu ngumongameli Emmerson Mnangagwa.
Lonyaka kulababukisayo abakwele Zimbabwe labakwamanye amazwe abedlula amakhulu amane, 400.
Umkhosi lo uqhutshwa phansi kwesihloko esikhuthaza ukuthuthukiswa kwabakhubazekileyo kusiyafika umnyaka ka2030 esithi ‘Accelerating the attainment of Vision-2030, disability empowerment targets for enhanced inclusive sustainable development’.
Emkhosini lo kubuthene abakunhlanganiso ezilwela amalungelo abakhubazekileyo, ingatsha zikahulumende, abantu abakhubazekileyo labanye.
Omela abakhubazekileyo edale leSenate, uSenetha Anna Shiri osemkhosini lo uthi abakhubazekileyo baqhubeka belwela amalungelo abo ngenhloso yokuthi labo bangene ezikhundleni zobukhokheli kunhlangothi ezitshiyeneyo.
SEE ALSO: Ingxoxo loSenator Anna Shiri.