Umantshi weHarare uFeresi Chakanyuka walile namuhla ukulahla icala eletheswa uMnu. Job Sikhala elokuthi wethula umbiko ongamanga enkundleni yokuxhumana eyeTwitter, eyaziwa okwamanje ngokuthi yi-X.
UChakanyuka uthi icala leli lizathoniswa kusukela ngoLwesihlanu. Abatshutshisi bathi uSikhala wethula umbiko othi ipholisa labulala umntwana owayebelethwe ngunina ngokumtshaya ngomqwayi. Bathi la ngamanga aluhlaza tshoko ngoba umntwana lo uyaphila.
Igqwetha lika Sikhala, uMnu. Harrison Nkomo, uthi uSikhala uyaliphika icala leli elingekho engwalweni zemithetho eZimbabwe.
UNkomo uthi icala elinje elalisetheswa intathelizindaba uHopewell Chin’ono lalahlwa lidale lomthethwandaba.
Omunye owake wetheswa njalo icala leli nguNkosazana Fadzayi Mahere. USikhala olilunga lebandla leCCC usehlale entilongweni umnyaka lenyanga eziyisitshiyangalombili emelele ukuthoniswa amacala amanengi awetheswayo, agoqela elokuthi watshotshozela udlakela kusanda kubulawa uNkosikazi Moreblessing Ali lilunga lebandla leZanu PF, uPius Pius Jamba Mukandi, ogwetshelwe ukuhlala ejele okweminyaka engamatshumi amathathu – 30 years.
Ukuhlaziya loludaba sixoxe loMnu. Promise Mkhwanazi, isikhulumeli sebandla leCCC othi uSikhala kumele akhululwe.
SEE ALSO:
Ingxoxo Esiyenze LoNkosikazi Promise MkhwanaziSixoxe njalo ngodaba lolu loMnu. Joseph Tshuma olilunga lebandla leZanu PF, owenza izifundo zemithetho, othe umthethwandaba kufanele ukuba uphathe udaba luka Sikhla ngonanzelelo.
SEE ALSO:
Ingxoxo Esiyenze LoMnu. Joseph Tshuma