Inkantolo kamantshi izakwethula isinqumo sayo mhlaka 24 Zibandlela ngemva kokugqiba ukuthethwa kwecala lokuphehla udlakela eletheswa abeCCC ababengamalunga edale lePhalamende ababili uMnu Job Sikhala, owayemela isigaba seZengeza West lowayemela iChitungwiza North uMnu Godfrey Sithole.
Ababili laba babotshwe ngomnyaka ka2022 besetheswa umlandu wokutshotshozela udlakela eNyatsime kulandela ukubulawa kwelunga leCCC uNkosazana Moreblessing Ali, owagondodwa lilunga leZAnu PF uMnu Pius Jamba.
Lanxa uSithole wasuka wakhululwa ngemali yesibambiso, i-bail, uMnu Sikhala wancitshwa lelothuba njalo uselomnyaka ogcweleyo olengxenye evalelwe eChikurubi Maximum Prison loba nje engakatholakali elecala.
Umeli weHwange Central ePhalamende olilunga leCCC njalo obesenkantolo uMnu Daniel Molokele utshele iStudio 7 ukuthi alubana uMnu Sikhala ethe wadliwa licala kodwa wetheswa isigwebo esingadingi ukuthi avalelwe ejele, ulakho ukukhululwa mhlaka 24.
Your browser doesn’t support HTML5
Ingxoxo loMnu Daniel Molokele