Imbono kasibalukhulu webhanga lesizwe, ele Reserve, uMnu. John Mangudya eyokuthi izisebenzi zingasekhwezelwa iholo isidale inkulumo ngoba izisebenzi zisithi zihola imali elutshwana.
UMangudya uqale ukwethula limbono kumaviki ambalwa koBulawayo lapho ahlangana khona lozulu lenhlanganiso ezitshiyeneyo waphinda njalo wahlangana lenkokheli yezisebenzi ngeviki edluleyo ezazisa ngembono le kwathi kuyonale iviki esethula amazwi akhe endlela yokusebenzisa imali elizweni, imonetary policy, uMangudya wagcizelela limbono.
Phansi kwecebo lika Mangudya iholo akumelanga liqanse kuthi ezitolo impahla kumele yehliswe. Inhlanganiso zezisebenzi zithi lelinyathelo kalisoze lisebenze ngoba intengo iyala ikhuphuka. Umphathintambo wezemali, uMnu. Patrick Chinamasa laye useke wethula imbono efanayo.
Ukuhlaziya loludaba uChris Gande weStudio Seven uxoxe lowalwa impi yenkululeko, uMnu. Max Mkandla ecingweni endawonye lengcwethi ecubungula ezombusazwe, uMnu. George Mkhwananzi onguye osungula lingxoxo.
Your browser doesn’t support HTML5
Ingxoxo loMnu. George Mkhwananzi loMnu. Max Mkandla