UMongameli Emmerson Mnangagwa ngoLwesibili uvule umhlangano omkhulu weAfrica Regional Forum on Sustainable Development oqhutshelwa eVictoria Falls.
Emazwini akhe uMnangagwa ukhuthaze amazwe ezwekazi leAfrica ukuthi asebenze ndawonye ukuze athuthukise lelizwekazi.
UMongameli Mnangagwa ukhulume njalo ngohlelo lukahulumende wakhe olwe'Vision 2030' esithi luzalandela izinqumo ezizaphula kulumhlangano eziqondane lenthuthuko.
Umsekeli kasibasikhulu weUnited Nations, uNkosazana Amina Mohammed, yena utshayele ihlombe iAfrica esithi yiyo elomnotho okhula masinya ukwedlula indawo zonke domhlaba.
Kodwa uthe kunengi okusamele kwenziwe kundaba zokuthuthukisa impilo kazulu.
Ekhuluma uphezu kwalumhlangano, olwela amalungelo abasakhulayo, uMnu Mlungisi Dube, uthe umhlangano lo uqakathekile ngoba upha abatsha ithuba lokuxoxisana labakugatsha lukahulumende bebatshela ngendingeko zabo.
“Abantu eZimbabwe sekungabathuthukisa kusiya ngokuthi ama-policies kahulumende ayahambelana lama-goals lawa, kodwa esikukhangeleleyo okwamanje yikuthi izinto ebezisenziwa nguhulumende zenza kubenzima ukuthi ethuthukise ilizwe,” kutsho uDube.
Umhlangano lo uphela ngoLwesine.
Your browser doesn’t support HTML5
Ingxoxo Esiyenze LoMlungisi Dube