Intathelizindaba uHopewell Chin'ongo usencitshiwe njalo imvumo yokubhadala isibambiso seBheyili osekutshiye ingcwethi zezomthetho zimangele ukuba ngenjongo kahulumende yokuqhubeka emhlukuluza ngale indlela yena elelungelo phansi kwesisekelo sombuso sokuthi avunyelwe ukuthonisiswa evela emzini wakhe.
UChin’ono uselenyanga eyodwa selokhe wabotshwayo, njalo uncitshwe imvumo yokuhlawula ibheyili okwesithathu, ngesikhathi uhulumende eqhubeka ebopha lokuhlukumeza abamabandla aphikisayo, abalwela ilungelo loluntu lalabo abalembono ephambana leyakhe.
UMantshi uNgoni Nduna uthe uChin’ono kumele aqhubeke evalelwe ngoba kungela nguquko kubufakazi abulethe edale obehlukene lalobo abethule esenza isicelo sakhe sakuqala ese bheyili.
Omele inhlanganiso yamagqwetha eye Zimbabwe Lawyers for Human Rights (ZLHR) uNkosikazi Roseline Hanzi uchasisa ngokuncitshwa kuka Chin’ono ibheyili.
“UMantshi ubesizwa udaba lolu olwe bheyili eka Hopwell Chin’ono namhlanje usilahlele khatshana isicelo lesi. Uthe lokho obe kusedale kakulanguquko kulokho akuzwa kuqala, esithi indaba zokusola isimo semajele zakhulunywa kudala. Esithi njalo njengoba uChin’ono wayefuna abantu batshengisele kakuzange kwenzakale njalo kulakho ukwenzakala”
Uqhubeke esithi bazakusa isicelo edale laphezulu eleHigh Court ukuba liguqule isinqumo esethulwe ngu Mantshi.
“Khathesi iqgwetha elimela uChin’ongo lizakuya edale le High Court ukuba aye cela ukuba aphiwe ibheyili”
Kodwa elinye igqwetha elisebenza lizimele uMnu Tinashe Chisaira uthi lokhu okwenzakala ku Chin’ono lomunye abotshwa laye umkhokheli we Transform Zimbabwe uMnu Jacob Ngarivhume akukaze kwenzakale esithi kakukho emthwethweni.
“Ukuncitshwa kwe bheyili ebantwini abenza ezombusazwe, labantu abafana labo Chin;ono, Ngarivhume, Job Sikhala lo Godfrey Kurauone kuyadanisa ikakhulu ebantwini abalandela umthetho ngoba umthetho uyachacha ukuba wonke umuntu ulelungelo lokuphiwa ibheyili”
UChin’ono wetheswa icala linye eletheswa uMnu Jacob Ngarivhume elokufuna ukugenqula uhulumende ngokutshotshozela abantu ukuba bangene ezithaladeni betshengisela besola inkohlakalo esidale umonakalo omkhulu kusimo somnotho eZimbabwe, okwakumele kwenziwe mhlaka 31 wenyanga edluleyo kaNtulikazi.
Lokhe evalelwe kusukela ukubotshwa kwakhe mhlaka 20 Ntulikazi. Ilanga lakhe lokuza emthethwandaba kalikaziswa kodwa kumele aphenduke ngo Mpandula.
Kolunye udaba, umsekeli ka mgcinisihlalo we bandla le MDC Alliance uMnu Job Sikhala namhlanje umiswe phambi komthethwandaba ka Mantshi laye esetheswa icala linye loChin’ono loNgarivhume lokufuna ukugenqula uhulumende.
Abasekeli beMDC Alliance abakade beze ukuzolalela ukuthonisiswa kommeli weZengeza West edale lephalamende yena obotshwe ngoMqgibelo, babonakale sebebhaxabulwa ngamapholisa phandle kwedale lika Mantshi eRotten Row, eHarare, emini udaba lusaqhubeka luthonisiswa phakathi.
Abasekeli laba babikwa beqhale ukutshaywa ngemva kokubonakala betshengisela behlabela besithi uSikhala akala cala amapholisa esithi baphambanisa ukuthula.
Imizamo yokukhuluma lesikhulumeli samapholisa uSenior Assistant Commissioner Paul Nyathi yehlule ngoba ube engasabeli ucingo lwakhe.
Isimo sokuphathwa kubi kwabalwela amalungelo oluntu elizweni siqhubekela phambili sisiba sibi uhulumende esebenzisa isandla esilocuku kulabo abathi bayephula umthetho ngalesi sikhathi ilizwe lilwisana lokuvimba ukumemetheka kweCovid 19.
Your browser doesn’t support HTML5
Udaba Esilethulwe NguMlondolozi Ndlovu