UMongameli Joseph Biden wakwele Melika namuhla wethekelela isabelo seLousiana lapho okulomonakalo omkhulu odalwe lizulu lesikhukhula uHurricane Ida, elibhidlize izakhiwo ezinengi latshiya abantu bengela mizi, umlilo kagetsi, ukudla lamafutha ezimota.
Izulu leli libulele abantu abafika phose amatshumi amahlanu – 46 eNew York, New Jersey, Pennsylvania lezinye indawo lakhukhula amabholoho, izindlu lokunye ezabelweni ezitshiyeneyo.
UBiden uthi uhulumende wakhe uzanceda bonke abehlelwe ngumonakalo lo.
Odabuka eZimbabwe ohlala eUpper New York, uMnu. Busani Mbuso Ntini, uthi banengi abantu ababhekane lomonakalo odalwe lizulu leli lesikhukhula.
Izulu elifanayo uHurricane Katrina wabulala abantu abafika phose inkulungwane ezine – 3,800 wadala umonakalo oyisilinganiso samabhiliyoni alikhulu lamatshumi amahlanu – $125 billion.