UMongameli wakweleSouth Africa uMnumnzana Cyril Ramaphosa usencome iZimbabwe ngendima enkulu eyayidlala ekuletheni uzibuse kweleSouth Africa.
URamaphosa wethule amazwi la namuhla eFreedom Park ePitoli embuthanweni wokwemukela amathambo amaqhaqwe angamatshumi amane lambili (42) afela eZimbabwe leZambia ngesikhathi sempi yenkululeko yeSouth Africa. Ubonge kakhulu iZimbabwe ngokugcina amaqhawe enkululeko esithi lokhu kwasiza kakhulu ukuthi eleSouth Africa lithole uzibuse.
Amathambo abafela eZimbabwe leZambia
“Abantu beZimbabwe baphathisa ngokudla, indawo zokuhlala, okokugqoka langakho konke okwakudingwa ngamaqhawe ethu. Bathatha impi yethu yaba ngeyabo okwafaka impilo zabo engozini kakhulu. Kufuze sibabonge singaqedi ngomsebenzi abawenzayo.”
Amazwi kaRamaphosa agcizelelwe ngunobhala jikelele webandla leANC uMnumnzana Fikile Mbalula. Owayengumlweli wempi yenkululeko uMnumnzana Dan Haato owaze wayafunda eZimbabwe ngemva kokulimala kwakhe empini eBotswana, uthe kuqakathekile ukuthi izizalwane zakweleSouth Africa zifundiswe kakhulu ngendlela iZimbabwe eyazinikela ngakhona kunkululeko yeSouth Africa.
“Sinenxaxeba okufanele siyidlalile. Nxa ngabe enye icountry inengxeki kufanele kube lendima esiyidlalayo. Asinakuthi hayi abantu bazothatha imisebenzi yethu. Yes of course asithi makungene wonke umuntu. Igovernment needs to regulate that. But akufanelekanga abantu abafikayo bade baluze ubomi babo simply because asixolanga singamaSouth Africa.”
Abesemphakathini amathambo abafela eZimbabwe
Lezi inkulumo zizangesikhathi lapho kulendabampikiswano enkulu ebulenjini beinternet phakathi kwezizalwane zakweleSouth Africa lezeZimbabwe ngodaba lokuzingelwa kwabeZimbabwe abangelamaphepha bebanjwa bebuyiselwa ekhaya. Abanye bathi abanikwe amaphepha ngoba labo baphathisa eleSouth Africa ngesikhathi libhekane lohlupho lwempi, kodwake abanye besithi ngeke bekele abeZimbabwe bethatha imisebenzi yabio labo beyifuna. Isizalwane seZimbabwe njalo engumgcinisihlalo wenhlanganiso yeZimbabwe Progressive Foundation uMnumnzana Lance Mlilo uthi uthemba ukulethwa kwamathambo amaqhawela ayegcinwe yiZimbabwe kuzakwenza bemukeleke ngcono zakweleSouth Africa.
“Lokhu kuzoletha isifundo esikhulu kakhulu kumaSouth Africans ukuthi iZimbabwe idlale indima enkulu kuleDemocracy ngoba uma sicabanga ukuthi amasotsha oncindezelo ukungena kwawo ngale ayebulala ngitsho lamaZimbabweans.”
Umeli weZimbabwe kweleSouth Africa uMnumnzana David Hamadziripi utshele abebekulo umbuthano ukuthi amazwe womabili la kufanele asebenzise imbali yempi le ukuqinisa ubudlelwano bawo.
SEE ALSO:
Udaba Esilwethulelwe NguThuso Khumalo